Abayobozi batandukanye mu Karere ka Rubavu basura imyaka yangijwe n’urubura

Mu kagari ka Rusura mu murenge wa Busasamana niho umvura irimo urubura n’imiyaga yibasiye imyaka iri mu murima. Iyo myaka igizwe n’ibigori, ibirayi, ibishyimbo bihinze kuri hegitare 40. Iyo mvura kandi yangije ibisenge by’amazu 87 byo muri ako Kagari.

Umunyamabanga nshingwabikorwa w’umurenge wa Busasamana, Kazendebe Hertien, avuga ko abaturage bagize igihombo kubera imyaka yabo yangiritse.

Urubura rwaguye mu murenge wa Busasamana mu karere ka Rubavu

Abayobozi batandukanye mu Karere ka Rubavu, barimo umuyobozi wako wungirije ushinzwe iterambere ry’ubukungu, Murenzi Janvier, basuye abaturage bahuye n’ibiza.

Babihanganishije babizeza kubakorera ubuvugizi mu nzego zitandukanye. Harebwa niba haboneka imbuto y’ibigori n’ibishyimbo kugira ngo aba bahinzi bongere bahinge byihuse. Hirindwa ko bazibasirwa n’inzara.

Urubura rwangije hegitari 40 z’imyaka

Abaturage bafite amazu yangijwe n’imvura ubu bacuumbikiwe na bagenzi babo.

MENYA UMWANDITSI

Sylidio Sebuharara

Umunyamakuru

@ sebuharara

Reba inkuru zose nanditse ( 1630 )