Gicumbi: Barasabwa kureka gucukura amabuye n’imicanga kuko byangiza ibidukikije

      7-01-2013 - 09:37'
Ibitekerezo ( )

Abacukuzi b’imicanga n’amabuye yo kubakisha bo mu karere ka Gicumbi mu murenge wa Byumba barasabwa kubireka kuko byangiza ibidukikije ndetse bigatuma n’imisozi n’ubutaka bitwarwa.

Ushinzwe kubungabunga ibidukikije mu Karere ka Gicumbi, Nzeyimana Jean Chrisostome, avuga ko gucukura imicanga bituma ubutaka bufashe umusozi bugenda buriduka maze ugasanga habaye ubuvumo ndetse ugasanga rimwe na rimwe bituma umuhanda ugenda wangirika kuko usanga nta butaka bukiwufashe.

Igice cy'umusozi cyaratwawe cyose kubera gucukura amabuye.
Igice cy’umusozi cyaratwawe cyose kubera gucukura amabuye.

Abacukura bagenda bakurikiranye aho amabuye ari maze ugasanga igice cy’umusozi wose cyararimbutse.

Abaturage nabo batuye mu kagari ka Nyarutarama mu murenge wa Byumba batangaza ko abacukuzi b’amabuye bangiza ibidukikije bidasubirwaho kuko aho babonye hari amabuye baruhuka ari uko bayamazemo.

Ibyo bijyana no guhinga umusozi bawushakamo iyo micanga cyangwa ayo mabuye yo kubakisha amazu maze ugasanga imvura iyo iguye ibitaka byasigaye ku musozi bigatwarwa.

Aho bacukura amabuye habaye ubuvumo.
Aho bacukura amabuye habaye ubuvumo.

Ibi bazabifashwamo n’ubuyobozi bw’umurenge wa Byumba aho bazashyira hamwe n’inzego zishinzwe gukangurira abantu kubungabunga ibidukikije maze abazafatwa babikora bakabihanirwa.

Ibyo nibiramuka bigezweho hazashyirwaho gusiba ibyobo no kongera gutera ibiti aharidutse kugira ngo ubutaka bwongere bukomere.

Ernestine Musanabera

Andi makuru - Ibungabunga
Impuguke z’u Rwanda zahumurije ababonye ikivu cyahinduye ibara
23/04/2016

Ubuyobozi bw’ikigo gishinzwe gukurikirana ubudahungabana bw’ikiyaga cya Kivu bwatangaje ko ubushakashatsi bwakozwe busanga guhindura ibara ku Kivu bidateye (...)
Umushinga w’Umunyarwandakazi urahabwa amahirwe yo gutoranywa ku rwego rw’isi
19/04/2016

Umushinga wa Clarisse Uwineza wo gutunganya imyanda ibora igakorwamo ifumbire y’imborera (Bio-organic Waste Feltilizer) urahabwa amahirwe yo kwegukana intsinzi yo kuza mu (...)
Abangiza ishyamba ry’Ibisi bya Huye bahagurukiwe
5/04/2016

Abayobozi b’utugari dukora ku ishyamba ry’Ibisi bya Huye mu Karere ka Huye barasabwa guhagurukira abaturage baryangiza.
Kirehe:Biyemeje kubungabunga ibidukikije nta gihembo
18/02/2016

Abagize Koperative Uburumbuke ikorera i Kirehe basanga kuba babungabunga ibidukikije nta gihembo bihaye umwanya wo kugira uruhare mu iterambere (...)
1 | 2 | 3 | 4 | 5 | 6 | 7 | 8 | 9 | ... | 71

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda