Kuri uyu wa gatanu King James arataramira i Paris mu Bufaransa

      18-10-2012 - 11:21'
Ibitekerezo ( 1 )

Nyuma y’igitaramo King James yagiriye mu Bubiligi tariki 13/10/2012 kikagenda neza cyane, azataramira i Paris mu Bufaransa kuri uyu wa gatanu tariki 19/10/2012.

Iki gitaramo kizatangira saa mbiri z’umugoroba kugera saa moya za mu gitondo kizabera ahitwa “Salle Oasis de Noisy 338 Avenue Paul Vaillant Couturier” bakunze kwita Neuf Trois; nk’uko bitangazwa na R&B Event (Rwanda &Burundi Event).

R&B Event ni ihuriro ry’urubyiruko rw’Abanyarwanda n’Abarundi bishyize hamwe mu rwego rwo kwidagadura no kumenyekanisha umuco wabo.

Iri tsinda ninaryo ritegura iki gitaramo King James azaririmbamo i Paris. Abandi bahanzi bazagaragara muri iki gitaramo harimo Kode (Faycal) w’Umunyarwanda, Big Fizzo (Big Fariouz) wamenyekanye cyane mundirimbo ze nka Munyana, Mporeza umwana, Baza yakoranye na Tom Close, Big Dom, M. LA (M. Lambert) n’abandi.

King James azakora umuziki w’umwimerere (Live) abifashijwemo na Pastor P, umuproducer w’Umunyarwanda usigaye akorera umurimo we wo gutunganya indirimbo mu gihugu cy’u Bufaransa, uyu akaba azacurangira King James Piano.

Aba Dj bazafasha gususurutsa abazaba baje muri iki gitaramo ni aba Dj bazaba baturutse mu gihugu cy’uBubiligi bakazacuranga indirimbo z’amoko menshi zirimo inyarwanda nshya n’iza cyera (igisope) ndetse n’inyamahanga. Kwinjira muri iki gitaramo bizaba ari amayero 20.

Marie Clemence CYIZA UWIMANIMPAYE

Andi makuru - Ibirori
Miss Carine yemeza ko ubwiza butibandwaho kuri Nyampinga
21/01/2016

Miss Carine Rusaro umwe mu batoranya abahatanira ikamba rya Miss Rwanda 2016, yemeza ko ubwiza bugenerwa amanota make mu gutoranya.
Miss Balbine asanga iri rushanwa ritera imbere kurushaho
20/01/2016

Nyampinga Balbine Mutoni wongeye kwiyamamariza kuba Nyampinga muri uyu mwaka ashimangira ko iri rushanwa rigenda rirushaho gutera imbere.
Ngo babonye amikoro, inganzo yabo yabafasha kwigira
18/01/2016

Abagize itorero “Indatwa n’abarerwa” ry’akagari ka Kagina mu Murenge wa Runda, ngo bakeneye amakikoro yo kubyaza inganzo zabo umusaruro.
Miss Rwanda 2016: Bane bazaserukira Amajyepfo batambutse
17/01/2016

Abakobwa bane muri barindwi bahataniraga itike yo guhagararira Intara y’Amajyepfo mu marushanwa ya Miss Rwanda 2016, baraye batambutse kuri uyu wa 16 Mutarama (...)
1 | 2 | 3 | 4 | 5 | 6 | 7 | 8 | 9 | ... | 64

Ibitekerezo

nuko mwazajya mutwereka amakuru mashya.

NSHIMIYIMANA Nordine yanditse ku itariki ya: 22-10-2012
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

    Inkuru zikunzwe cyane
    1
    2
    3
    4
    5
    Dukurikire
    Rwanda Districts

    Menya amakuru yo muri buri karere ku Rwanda