Musanze: Hagiye kujyaho urwego rushinzwe gukemura impaka zishingiye ku butaka

      29-09-2012 - 11:05'
Ibitekerezo ( )

Ikigo Nyarwanda gishinzwe iterambere ry’icyaro (RISD), kirateganya gutangiza urwego rugamije gukemura amakimbirane aturuka ku iyandikisha n’itangwa ry’ibyangombwa bya burundu by’ubutaka.

Ibi bigiye kuba mu gihe amakimbirane ashingiye ku iyandishisha ry’ubutaka akomeje kwiyongera muri aka karere ka Musanze ahagiye gutangizwa iki gikorwa.

Iki kigo cyari gisanzwe gikorera mu murenge wa Rwaza ho mu karere ka Musanze, cyabonye ibikorwa byacyo byaragize uruhare rugaragara mu gukemura amakimbirane y’imbibi z’ubutaka, ibibazo by’amakimbirane yo mu miryango ashamikiye ku butaka n’ibindi, maze cyifuza ko byakwaguka.

Mu karere ka Musanze hagiye kujyaho urwego rushinzwe gukemura impaka zishingiye ku butaka.
Mu karere ka Musanze hagiye kujyaho urwego rushinzwe gukemura impaka zishingiye ku butaka.

Kuri uyu wa gatanu tariki 28/09/2012, Wilson Karamaga, umukozi muri RISD, yavuze ko hateganywa ko iki kigo cyakorera mu mirenge itanu aho kuba umwe gusa mu karere ka Musanze, cyakora ngo ibi bikorwa bikazakomeza kugenda bisakara mu mirenge yose y’aka karere ndetse n’ahandi.

Yagize ati: “Turi kwagura ibikorwa kugira ngo bigere no mu bindi bice, kugira ngo bagire ubumenyi mu bijyanye no kwikemurira amakimbirane”.

Yavuze ko hateganywa guhugurwa abunzi, abagize za komite z’ubutaka n’abayobozi b’inzego z’ibanze kugira ngo bajye bafatanya mu gukemura amakimbirane agenda avuka akomoka ku iyandikishwa ry’ubutaka.

Augustin Munyandatwa, Umukozi mu biro by’ubutaka mu karere ka Musanze, uvuga ko igikorwa cyo kwandikisha ubutaka cyararangiye, abaturage bagasabwa kwitabira kujya kubifata kuri buri kagali, kuko ari uburenganzira bwabo bwo gutunga ibyangombwa by’imitungo yabo.

Uru rwego rurateganya kugeza ibikorwa byarwo mu mirenge nka Muhoza, Musanze, Cyuve na Kimonyi yose yo mu karere ka Musanze. Ibi bikorwa bikaba bizatangira mu gihe cy’ibyumweru bibiri biri imbere.

Jean Noel Mugabo

Andi makuru - Mu Rwanda
Kwanga guherwa serivise ahabi byatumye biyubakira akagari
12/02/2016

Abaturage bp mu Kagari ka Muzingira mu Murenge wa Mutendeli mu Karere ka Ngoma, biyujurije ibiro by’akagari ngo bajye baherwa serivise aheza.
U Rwanda rugiye kwimurira ahandi impunzi z’Abarundi
12/02/2016

Guverinoma y’u Rwanda yatangaje ko yahisemo gukomeza gushaka abafatanyabikorwa bakwakira impunzi z’Abarundi icumbikiye, mu rwego rwo gucunga neza imibanire (...)
USA irashaka kongerera ikoranbuhanga Ingabo z’u Rwanda zibungabunga amahoro
12/02/2016

Intumwa za Leta Zunze Ubumwe z’Amerika (USA) zashimye ibikorwa by’ingabo z’u Rwanda zirinda amahoro muri Sudani y’Amajyepfo.
Urubyiruko rwa Commonwealth rurashakira mu Rwanda ibyakubaka amahoro
12/02/2016

Urubyiruko rwo mu bihugu bikoresha icyongereza (Commonwealth) ngo rurashaka gukomeza kubaka amahoro ku isi, rushingiye ku bunararibonye bwa buri (...)
1 | 2 | 3 | 4 | 5 | 6 | 7 | 8 | 9 | ... | 2205

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

    Inkuru zikunzwe cyane
    1
    2
    3
    4
    5
    Dukurikire
    Rwanda Districts

    Menya amakuru yo muri buri karere ku Rwanda