Ne-Yo agize umwana wa kabiri mu gihe kitarenze umwaka
|
Yanditswe ku itariki ya: 14-10-2011 - Saa: 14:05'
|
|
Ibitekerezo
(
2
)
|
|
|
|
Urubuga rwa internet rwo muri Amerika USweekly.com rwanditse kuri uyu wa gatanu ko rwabonye amakuru avuga ko Ne-Yo, umwanditsi w’indirimbo akaba n’umuririmbyi mu gihugu cy’amerika kuri uyu wa mbere tariki ya 10 Ukwakira 2011 yagize umwana we wa kabiri mu gihe kitarenze umwaka. Umuhanzi Shaffer Chimere Smith uzwi cyane ku izi rya Ne-Yo uwo mwana yamubyaranye n’inshuti ye ateganya gushakana nayo yitwa Monyetta Shaw.
Ivuka ry’uyu mwana Ne-Yo atari yatangaza izina rye cyangwa igitsina cye rije nyuma y’undi mwana Ne-Yo witwa Madilyn Grace yabyaranye na Monyetta Shaw mu kwezi kwa cumi na kumwe 2010. Ne-Yo aganira na people.com mu kwezi kwa cyenda uyu mwaka yavuze ko kuba umupapa ari urugendo rwabaye rurerure kuri we. Ne-Yo agira ati: “Kuba papa w’umwana byambereye urugendo rurerure ariko ubu ndi kubikunda buri munota.”
Ne-Yo azwi ni umuririmbyi uzwi ku rwego mpuzamahanga nko mu ndirimbo nka So Sick,Miss Independent,Closer n’izindi ni n’umwanditsi ukomeye w’indirimbo wandikira indirimbo abahanzi bakomeye ku rwego rw’isi nka Mary J. Blige, Beyoncé Knowles, Justin Bieber, Monica, Alexandra Burke, Cheryl Cole and Willow Smith.
Ne-Yo mu mwaka wa 2005 yari yemeye ko uwari inshuti ye y’umukobwa ari wamuteye inda bityo umwana wabyawe n’uwo mukobwa akaba umwana we wa mbere.Uwo mwana wabyawe akaba yari yanafashe rimwe mu mazina ya Ne-Yo ryitwa Chimere.Ne-Yo yaje nyuma gusanga umwana uwo mukobwa yabyaye atari uwe ku buryo ubu yatanze ikirego mu nkiko arega uwahoze ari inshuti ye ku kumubeshyera.
Ne-Yo ni umusore ubu ufite imyaka 31 mu gihe Monyetta Shaw bamaze kubyarana kabiri afite imyaka ibarirwa hagati ya 20 na 37 nkuko byanditswe n’urubuga rusobanura imyirondoro y’ibyamamare rwitwa imdb.com.Monyetta Shaw afite boutique ikomeye yitwa Buckhead icuruza inkweto,imyenda n’ibindi akaba ari n’umukinnyi w’amafilimi.
Jean Baptiste Micomyiza.
|
