Umuntu wakize SIDA aratanga ikizere cyuko izabonerwa umuti

      29-05-2012 - 18:27'
Ibitekerezo ( 1 )

Umunyamerika witwa Timothy Brown niwe muntu byemejwe ko yakize SIDA kuri iyi si ya Nyagasani. Uyu mugabo yarokotse iki cyago mu mwaka wa 2007 i Berlin mu gihugu cy’ Ubudage bitewe n’utundi tunyangingo bashyize mu bwirinzi bw’umubiri we (systeme immunitaire).

Uyu mugabo usigaye uhimbwa akazina ka le patient de Berlin (umurwayi w’i Berilini) yari yaramenye ko abana na Virusi itera SIDA kuva mu 1995. Nyuma yaho abaganga bakoze ubushakashatsi bwo kumushyiramo izindi nyangingo ari nazo zatumye abasha gukira SIDA.

Tariki 23/05/2012 nibwo Brown yatangarije imbaga y’abantu bagera ku 1000 harimo abaganga basaga 600, ko yishimiye kuba yarakize kandi avuga ko umukiro we awusangiye n’isi yose kandi akaba afite ikizere ko n’umuti kuri bose uzaboneka; nk’uko tubikesha AFP.

Gero Hütter, umuganga wakurikiranye Brown mu bitaro byitwa hôpital universitaire de la Charité de Berlin avuga ko igitekerezo cyo kuvura abantu hakoreshejwe ubu buryo cyatangiye mu mwaka w’1980 ariko kikaba kitari cyarashyirwa mu bikorwa ngo byemere.

Ibi ngo bisaba gushaka umuntu ufite umubiri ufite ubudahangarwa bwafasha umurwayi kurinda CD4 (ubudahangarwa bwe) maze nawe akemera kumugiriraneza mbese nk’uko batanga amaraso cyangwa ingingo z’umubiri.

Uyu muganga kandi yatangarije urubuga www.maxscience.com ko nyuma yo gutangira iki gikorwa, ibimenyetso byo gukira byatangiye kugaragara nyuma y’iminsi 600. Gusa kuriwe ngo abantu ntibakwiye kumva ko ari igisubizo cyangwa umuti wa SIDA ubonetse kuko kubikora bitoroshye.

Urugero atanga ni nk’uko kubona abantu bafite iyo miterere idahangarwa bemera gufasha abantu bagera kuri miliyoni 34 babana na VIH ku isi hose bitashoboka kandi bikaba bihenze cyane.

Ikindi ngo ni uko ku bantu 3 bakorerwa icyo gikorwa byibura umwe ahasiga ubuzima cyangwa akahakura ubumuga burimo no guta ubwenge, bityo ngo umuti wa SIDA nturaboneka.

Ernest Kalinganire

Andi makuru - Ubuvuzi
Ibitaro bya Polisi byashyizwe mu biganza bya MINISANTE
27/04/2016

Umuhango w’ihererekanyabubasha ry’Ibitaro bya Polisi wabaye kuri uyu wa 26 Mata 2016 aho Polisi y’u Rwanda yabishyikirije Minisiteri y’Ubuzima nk’Ibitaro by’Akarere bya (...)
Abarokotse Jenoside barashima ubuvuzi bagenewe n’Ingabo zaborokoye
27/04/2016

Abakecuru n’abasaza bo mu Karere ka Muhanga barokotse Jenoside yakorewe Abatutsi 1994 barishimira ubuvuzi bagenerwa n’Ingabo z’u Rwanda, RDF.
Ibitaro bya Faical bigiye guhangana ku rwego rw’akarere mu buvuzi
25/04/2016

Guverinoma y’u Rwanda yasinyanye amasezerano n’ikigo cya Oshen Healthcare Rwanda Ltd, yo kuyifasha kugenzura no kuyobora ibitaro byitiriwe Umwami (...)
Abarokotse Jenoside bagera ku 1000 bagiye kuvurwa amaso
21/04/2016

Abanyamuryango bagera ku 1000 b’ishyirahamwe ry’abapfakazi ba Jenoside yakorewe Abatutsi (AVEGA Agahozo), bagiye kuvurwa indwara y’amaso.
1 | 2 | 3 | 4 | 5 | 6 | 7 | 8 | 9 | ... | 188

Ibitekerezo

abantu bakwiriye gukomeza kwirinda badategereje ko umuti wa sida uzaboneka, kuko nunaboneka ntabwo bizakuraho izindi prevention measures zari zihadlsanzwe! big-up scientists!!

G.kelly yanditse ku itariki ya: 29-05-2012
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda