Ubwo abakozi ba JHPIEGo bapakurururaga ibiribwa

Kuri uyu wa gatanu tariki 24 Kamena 2016, nibo abagize uyu muryango basuye aba bacitse ku icumu bubakiwe mu Mudugudu wa Rudakabukirwa, Akagali ka Munini, Umurenge wa Gikomero, bagirana ubusabane ndetse banabatera inkunga yiganjemo ibiribwa.

Buri muryango wagenerwaga ibishyimbo, umuceri, Kawunga, amasabune n’amavuta yo guteka

Abatuye mu mudugudu wa Rudakabukirwa bashyikirizwa inkunga na JHPIEGO

Safari Jean Pierre uhagarariye iyo miryango y’abacitse ku icumu, yavuze ko ashimishijwe n’iyi nkunga, aho kuba aba bakozi batari basanzwe babazi bagize umutima wo kuza kubagoboka, atangaza ko n’ubwo ibibazo bya buri munsi mu buzima bitabura, ariko bizeye ko bafatanyije n’abantu bizagenda bishira.

Yagize ati “Dufite ibibazo bitandukanye hano, ariko kubera gusenga Imana ituba hafi, muri uyu mwanya rero turashimira aba bakozi kuri iki gikorwa kidukoze ku mutima, ntibiba byoroshye ko umuntu utakuzi mutanahuje amaraso agutekereza akaba yanakugirira akamaro, ibi biratwereka ko dukomeje kuva mu icuraburindi tujya mu mucyo.”

Safari Jean Pierre uhagarariye abatuye muri uwo mudugudu

Ushinzwe imibereho myiza mu murenge wa Gikomero yabanje gusobanura uko abatishoboye bo muri uyu mudugudu babayeho

Steven Mutwiwa, uyobora uyu muryango w’Abanyamerika mu Rwanda, yatangaje ko iyi yari intambwe ya mbere yo kumenyana n’aba batishoboye bo muri Gikomero.

Yavuze ko icya mbere bifuzaga kwari ukwifatanya n’abanyarwanda kwibuka ku nshuro ya 22 Jenoside yakorewe Abatutsi, ndetse nyuma yo kuganira nabo ku bibazo bya buri munsi bahura nabyo, biteguye kuguma kubaba hafi.

Ati “Muri iki gihe cyo Kwibuka Jenoside yakorewe Abatutsi ku nshuro ya 22, twashyize muri gahunda tugomba kwifatanya n’abanyarwanda Kwibuka, ndetse tukanafasha abacitse ku icumu batishoboye.”

Steven MUTWIWA, Umuyobozi wa JHPIEGO mu Rwanda

Nkomeza Emmanuel ushinzwe abakozi muri uyu muryango

Iyi nkunga irimo ibikoresho by’ibanze mu buzima bwa buri munsi birimo umuceri, ibishyimbo, kawunga, amasabune ndetse n’amavuta yo guteka, byashyikirijwe imiryango 17 iri muri uyu mudugudu igizwe n’abantu bagera kuri 50, ikaba ifite agaciro gakabakaba 1,2Frw.

Andi mafoto

Banabasigiye ibahasha irimo amafaranga yo kunganira inkunga bahawe

Babanje gusangira icyo kunywa

Bamwe mu bakozi ba JHPIEGO bari bahagarariye abandi

Imiryango ituye mu mudugudu wa Rudakabukirwa

Imwe mu mazu yubatswe ku bufatanye bwa ADEPR n’akarere ka Gasabo, ari nayo atuyemo iyi miryango

Nyuma basuye urwibutso rwa Jenoside yakorewe abatutsi ruri mu murenge wa Rutunga, maze bunamira inzirakarengane zigera ku 121 zihashyinguye

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )