Iyo nama yayobowe na Minisitiri w’intebe, Anastase Murekezi, yemeje uwo mushinga nyuma y’uko inteko ishinga amategeko imitwe yombi yari yamaze kuwemeza, tariki 24 Ugushyingo 2015 umutwe w’abadepite ukaba warandikiye Minisitiri w’intebe umusaba ko umushinga w’ivugururwa ry’itegeko nshinga u Rwanda rugenderaho kugeza ubu wakwihutishwa.

Inama y’Abaminisitiri yari iyobowe na Minisitiri w’intebe Anastase Murekezi

Inama y’Abaminisitiri ishingiye ku ngingo ya 109 n’iya 193 z’itegeko nshinga ry’u Rwanda nk’uko ryavuguruwe kugeza ubu, ishingiye kandi ku hantu u Rwanda rwavuye, ibyo rwagezeho ndetse n’icyerekezo rufite, inama y’Abaminisitiri yemeje ko bagiye gusaba Perezida wa Repubulika kwemeza umushinga w’ivugururwa ry’itegeko nshinga ry’u Rwanda.

Cyprien Ngendahimana