Ibi ikaba yabyerekanye nyuma yo kunyagirira ku kibuga cyayo I Camp Nou ikipe ya AS Roma yo mu Butaliyani ibitego 6-1.

Iyi kipe yabigezeho ibifashijwemo na Lionel Messi watsinzemo ibitego 2, Luis Suarez nawe watsinzemo 2,Gerard Pique ndetse na Adriano watsinze Panalti ayisonzemo nyuma y’uko Neymar yari amaze kuyihusha.

Fc Barcelone yaraye ihaye AS Roma isomo rya ruhago

Mu mukino ubanza wabereye mu Butaliyani aya manipe yombi akaba yaranganije 1-1.Kuri ubu ikipe ya FC Barcelone ikaba imaze kuzuza ibitego 10 mu mikino ibiri yikurikiranya imaze gukina n’amakipe akomeye byahuye.

Nyuma yo gutsinda AS Roma 6-1, iyi kipe mu cyumweru gishize ikaba yari yaratsinze Real Madrid bihora bihanganye muri shampiyona ya Espagne ibitego 4-0 bituma yuzuza ibitego 10 mu mikino 2 yikurikiranya imaze gukina.

FC Barcelone iyoboye itsinda ryayo muri champion’s league n’amanota 13 mu gihe AS Roma iyikurikiye ifite amanota 5 gusa.

Iyi kipe kandi inayoboye shampiyona ya Espagne,ikomeje kwerekana ko ari ikipe ikomeye ishaka kwisubiza igikombe cy’amakipe yabaye aya mbere iwayo ku mu I Burayi,yanatwaye umwaka ushize itsinze Juventus ibitego 3-1.

Uretse Barcelone yatsinze 6-1 AS Roma,kuri uyu wa 24 Ugushyingo,andi makipe nka Arsenal akomeje kugarurira ikizere abafana bayo. Ni nyuma yo gutsinda Dynamo Zagreb 3-0.

Arsenal yakomeje kugarurira abafana ikizere itsinda 3-0 Dinamo Zagreb
Ikipe ya Bayern Munich ikaba yatsinze Olympiakos 4-0 naho Chelsea itsinda Maccabi Tel Aviv 4-0. Ni mu gihe Bate Bolisov yanganije na Bayern Leverkusen 1-1.

Ikipe ya FC Porto ikaba yatsinzwe na Dynamo kyiv 2-0. Zenit itsinda Valence 2-0 naho Lyon itsindwa na Gent 2-1.Amakipe nka Manchester United na Manchester City akaza gukina kuri uyu wa 25.

Safari Viateur