Iyi mpanuka yabaye ku isaa tanu z’amanya zo kuri uyu wa kabiri tariki 1 Nzeli 2015, yatewe n’uko uwari uyitwaye witwa Ahorukomeye Donathyagonze igiti biturutse ku burangare kuko yari amaze kuvugira kuri telefoni, nk’uko abayobonye iba babitangarije Kigali Today.

Aho imodoka yaguye mu Kivu mu murenge wa Bwishyura.

Andi makuru avuga ko yari agiye kuyogesha nyuma y’uko yari agejeje abantu bari baje mu nama y’abana ku rwego rw’intara, ubwo yari ageze mu murenge wa Bwishyura agahita akora iyo mpanuka n’ubwo atarafite umuvuduko mwinshi.

Abaturage bavuga ko bihutiye gutabaza inzego z’umutekano ariko bikaba iby’ubusa kuko ari imodoka ari n’uwari uyitwaye baburiwe irengero.

Umuyobozi w’aarere ka Karongi yatangaje ko bamenye ko nyir’imodoka yitwa Ntarindwa wahoze ari umukozi w’akarere ka Nyaruguru.

Ahorukomeye Donat waguye mu Kivu atwaye imodoka ya Mahindra.

Nubwo Polisi yo mu karere ka Karongi yirinze kugira amakuru itangaza kuri iyi mpanuka, ku byangombwa by’uwo mushoferi byoshoboye kuboneka, hagaragaraho ko atari yemerewe gutwara imodoka kuko yari afite uruhushya rwo gutwara moto gusa.

Ahaguye imodoka si ubwambere habereye impanuka, kuko mu myaka ishize habereye impanuka y’ikamyo na taxi ariko ntibyigeze biboneka kubera uburebure bwaho.

Sylidio Sebuharara