Kuri uyu wa gatatu ku bibuga bitandukanye byo mu Rwanda habereye imikino y’irushanwa ry’Agaciro Development Fund,aho amakipe yakinaga imikino ya nyuma mu matsinda ashingiye ku turere aya makipe aherereyemo.

Mu mukino wabereye ku kibuga cya Kicukiro,ikipe ya police Fc yongeye gusezerera APR Fc,nyuma y’aho yari yayisezereye no mu gikombe cy’Amahoro cy’uyu mwaka,aho aya makipe kuri uyu munsi yakiranuwe na Penaliti,maze Police Fc yinjiza 4 kuri 3 za APR Fc mu gihe umukino wari warangiye amakipe anganya 1-1

APR yahatanye,ariko Police FC irayisezerera

Onyeaka Augustine watsinze igitego cya mbere cya Rayon Sports

Umuyezamu wa Mukura yahuye n’akazi mu gice cya mbere

Perezida wa Rayon Sports Gacinya Denis na Nizeyimana Olivier Perezida wa Mukura

Bikorimana Gerard wahoze muri Rayon akajya muri Bugesera nawe yari ahari

Kassereka Fabrice uzwi nka Mutuyimana Moussa,umukinnyi wa Rayon Sports nawe yari ahari

Irehe Emeka watsinze igitego cya kabiri

Mu wundi mukino wabereye kuri Stade ya Muhanga,ikipe ya Rayon Sports yaje gutsinda Mukura ibitego 2-1 byatsinzwe n’abakinnyi babiri bakomoka muri Nigeria ku ruhande rwa Rayon Sports,ndetse na Cyiza Hussein ku ruhande rwa Mukura.

Rayon Sports ishakisha igitego

Ikipe ya Rayon Sports niyo yafunguye amazamu ku munota wa 9 w’umukino ku gitego cyatsinzwe na Onyeaka Augustine, nyuma y’iminota Cyiza Hussein aza kukishyura, maze nyuma y’iminota itanu undi munya Nigeria uri mu igeragezwa muri Rayon Sports Irehe Emeka aza kuyitsindira igitego cya kabiri,ari nako igice cya mbere ndetse n’umukino muri rusange byarangiye.

Uko imikino yo kuri uyu wa Gatatu yagenze

Rayon Sports 2-1 Mukura
APR 1-1 Police (3-4 pen)
Musanze 1-0 Etincelles
AS Kigali 1-2 Sunrise

Uko amakipe azahura muri 1/2 kuri uyu wa Gatandatu,taliki ya 22/08/2015

Rayon Sports vs Sunrise FC
Police Fc vs Musanze Fc

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )