Iryo koranabuhanga rizatuma umunyamuryango wa Sacco abasha kubikuriza aho ageze nta gusubira aho yafungurije konti, nk’uko Umugenzuzi mukuru w’amakoperative mu kigo cy’igihugu gishinzwe guteza imbere amakoperative (RCA) Gilbert Habyarimana.

Ati “Kwihuza kwa za Sacco bizatuma bagira urwego rumwe rubarindira umutekano rufite ibya ngombwa byose nk’iby’amabanki.”

Avuga ko icyo gikorwa kandi kizajyana no gushyiraho banki imwe za Sacco z’imirenge zizaba zihuriyeho.

Yongeraho ko iryo koranabuhanga rizatuma kandi abanyamuryango ba za sacco babasha kwifashisha ikoranabuhanga nko kubasha kumenya amafaranga bafite kuri konti. Hakiyongeraho no kongerera umutekano amafaranga abitse muri za Sacco.

Bamwe mu basanzwe batabitsa muri Sacco bavuga ko nibigenda gutyo noneho na bo bazazigana.

Josiane Umulisa ucururiza mu karere ka karere ka Huye, avuga ko umunsi za sacco zizaba zibumbiye hamwe na we azafunguzamo konti, kuko ubusanzwe ntacyo bazinenga.

Ati “Ubundi umutekano urindishwa inkoni ni kimwe mu byatumaga ntitabira kujya muri sacco. Nizihuzwa, zikagira abarinzi bizewe bitwaje imbunda, nta kabuza nzajyamo. Nanazikundira ko zitanga inguzanyo mu buryo butagoranye.”

Biteganyijwe ko ku ikubitiro Sacco 180 ari zo zizashyirwamo ikoranabuhanga nk’ikitegerererezo, izindi nazo zikazagenda zigerwaho nyuma. Gahunda ihari ni uko 2016 uzarangira za sacco zose uko ari 416 zifashisha ikoranabuhanga.

Marie Claire Joyeuse