Namibia: Impunzi zisaga 2000 zirimo n’Abanyarwanda zaburiwe irengero

Impunzi zisaga 2000 zari zarahungiye mu gihugu cya Namibia ntizigaragara mu nkambi zari zaracumbikiwemo, hakaba hari impungenge ko zaba zaratorotse.

Umukozi ushinzwe impunzi mu gihugu cya Namibia, Nkrumah Mushelenga, ku wa kane tariki ya 21 Gicurasi 2015 yatangaje ko impunzi zigera ku 2354 zari zarahungiye muri icyo gihugu zaburiwe irengero. Icyo gihugu cyari gifite impunzi zigera ku 6100 zari zaracumbikiwe mu nkambi ya Osire iri ku birometero bisaga 200 uvuye mu murwa mukuru w’icyo gihugu, Windhoek.

Spyghana.com ivuga ko umubare munini w’impunzi zaburiwe irengero ari izo muri Repubulika iharanira Demokarasi ya Congo. Muri Namibia hari impunzi 2854 zikomoka muri icyo gihugu ariko abagera 1219 baburiwe irengero. U Rwanda rwo ngo rwari ruhafite impunzi 862, ariko abagera kuri 643 baburiwe irengero. Zimbabwe yari ihafite abagera kuri 207 umunani muri bo bakaba baburiwe irengero.

Impunzi zisaga 2000 zaburiwe irengero.
Impunzi zisaga 2000 zaburiwe irengero.

Ubusanzwe icyo gihugu gicumbikiye impunzi zo mu bihugu bitandukanye birimo Somaliya, Sudan y’Amajyepfo, Tanzaniya, Togo, Ukraine, Uganda, Burundi, Bangladesh, Cameroon, Repubulika iharanira Demokarasi ya Kongo, Eritrea, Ethiopia, Ubudage, Kazakhstan, Kenya, Liberia, Mali na Nigeriya.

Umukozi ushinzwe impunzi muri icyo gihugu yavuze ko polisi ya Namibiya n’izindi nzego bireba zikwiye kugira icyo zikora mu maguru mashya kugira ngo zibone izo mpunzi zikekwaho kuba zarahunze.

Uwo mukozi anavuga ko mu gihe umuntu yaba ashaka kuva mu buhunzi hari inzira zikurikizwa kuko ubuyobozi bw’inkambi bugomba kubanza kumuvana ku rutonde rw’impunzi, byaba ngombwa agasaba gutura mu buryo bwemewe n’amategeko.

Yagize ati “[Ushaka kuva mu buhunzi] agomba kuzuza impapuro ziba zihari zaturutse mu gihugu akomokamo, hanyuma akaba yasaba ubwenegihugu. Hari benshi bari impunzi bagiye babikora cyane cyane abagiye bashyingiranwa n’abanya Namibiya”.

Kigali Today

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka