Nk’uko byatangajwe n’igitangazamakuru Jerusalem Post, nyina w’umwana ngo yari agiye gusohoka mu ishuri kubera ko umwana we yari yazanye kwiga yari ari kurira. Ariko ngo yatangajwe n’uko umwarimu wari uri kubigisha, ari we Sydney Engelberg, yamufashe akamuhoza, ni uko agakomeza kwigisha amuteruye.

Sydney Engelberg yafashije umwana umunyeshuri we yigisha amuteruye.

Igikorwa cy’uyu mwarimu w’imyaka 67 cyagizwe intibagirana n’abanyeshuri bamufotoye bagashyira amafoto ye ku mbuga nkoranyambaga. Hari n’umwe mu banyeshuri wanditse kuri iyi foto ngo « dore umwarimu urajwe inshinga n’uko abanyeshuri be biga».

Umukobwa w’uyu mwarimu avuga ko ibyo se yakoze bitamutangaje kuko ngo ubusanzwe akunda abana cyane. Ngo ni na yo mpamvu yemerera abamama kuzana abana babo kwiga.

Sydney Engelberg na we, aho aboneye ukuntu amafoto ye agenda yoherezwa ku mbuga nkoranyambaga, yavuze ko « ntacyo yakoze kidasanzwe».

Marie Claire Joyeuse