Uyu muhango wabaye kuwa kane tariki 16/4/2015, wamaze kujya muri gahunda ngarukamwaka y’iki kigo bitewe na Habimana Jean Paul umwe mu bacitse ku icumu muri Jenoside uhigisha wasabye ko mu kwezi kwa kane hajya haba umunsi wo kwibuka, igitekerezo cyakirwa neza n’ubuyobozi bw’ikigo.

(Uhereye i bumoso Gaddo Flego umuganga wari mu Rwanda mu gihe cya jenoside, Beata Uwase watanze ubuhamya , Padiri Luc Bucyana wasobanuye amateka yatumye mu Rwanda haba Jenoside yakorewe abatutsi anasobanura uburyo ubu u Rwanda ari intangarugero mu kwiyubaka, Paolo Sormani, umutaliyani urera impfubyi ebyiri za Jenoside yavuze ko buri gihe uko agiye mu Rwanda, atangazwa n’isuku irangwa ahantu hose n’uburyo Abanyarwanda babanye mu mahoro.

Hafashwe icyemezo ko buri mwaka hazajya habaho umunsi wo kwibuka, hagatumirwa Abanyarwanda kugira ngo abanyeshuri barusheho gusobanukirwa.

Mu ijambo rye, umuyobozi w’iki kigo yagize ati “Twifatanije n’Abanyarwanda bose muri iki gihe gikomeye, kandi turabashimira kuba mwemeye kuza gusobanurira abanyeshuri amateka ya Jenoside yakorewe Abatutsi mu Rwanda.”

Ubuyobozi bw’iki kigo bwiyemeje kujya bwibuka buri mwaka Jenoside yakorewe Abatutsi mu 1994.

Abanyarwanda n’inshuti zabo bari bari bitabiriye iki gikorwa, bashimiye iki kigo kubera icyubahiro bakomeje guha abazize Jenoside yakorewe Abatutsi mu Rwanda. Bafashe n’umwanya wo gusobanurira abanyeshuri ko n’ubwo Jenoside yasigiye Abanyarwanda ibibazo byinshi, ubu hari intambwe iri guterwa mu burezi, mu bukungu no mu bumwe n’ubwiyunge mu Rwanda.

Bamwe mu Banyarwanda n’inshuti z’u Rwanda bari bitabiriye iki gikorwa.

Nyuma y’ibiganiro bitandukanye harimo n’ubuhamya bw’uwarokotse Jenoside yakorewe Abatutsi, abanyeshuri bahawe umwanya babaza ibibazo banatanga ibitekerezo bitandukanye.

Kigali Today