KT TV
Kimihurura: Imodoka itwara abagenzi iragurumanye
Imodoka itwara abagenzi y’ikigo RFTC ifashwe n’inkongi y’umuriro iragurumana mu gace ka Kimihurura mu mujyi wa Kigali, ku gicamunsi cyo kuwa 28/01/2015.
Iyi modoka yo mu kigo RFTC, Rwanda Federation of Transport Cooperatives ifite nomero ziyiranga RAB 213 R ngo yari itwaye abagenzi bavaga ahitwa Zindiro bajya Nyabugogo, mu mujyi wa Kigali.
Abagenzi bari bayirimo babwiye Kigali Today ko mu gihe imodoka yagendaga babonye hatangiye gucumba umwotsi uturuka munsi yayo, uwari uyitwaye agahita ahagarara akayizimya, we n’abagenzi bose bagasohoka bakizwa n’amaguru.
Iyo modoka yahiriye mu muhanda ugendwa cyane yabanje gutuma ufungwa, ariko mu mwanya wakurikiyeho polisi y’u Rwanda yahageze irayizimya, ubu umuhanda wongeye kuba nyabagendwa.
Ntiturabasha kuvugana na polisi y’u Rwanda ngo tumenye ibindi kuri iyi mpanuka, ariko amakuru abari bayirimo baduhaye ni uko nta wayikomerekeyemo.
Kigali Today
Ibitekerezo
Ohereza igitekerezo
|
|
