Intwaro zangijwe harimo izatanzwe n’abarwanyi ba FDLR bashyize intwaro hasi ku bushake muri Kivu y’amajyepfo hamwe na Kivu y’amajyaruguru bamaze kugezwa mu nkambi ya Kisangani aho bagomba gucumbikirwa kure y’umupaka w’u Rwanda.

Intwaro zatanzwe n’abarwanyi ba FDLR bayanywe mu kigo cya Kanyabayonga zari zigiye gusenywa.

Umuyobozi wa Monusco muri Kivu y’amajyaruguru Josiah Obat akaba avuga ko zangijwe kugira ngo zitazongera gukoreshwa mu guhungabanya umutekano nyuma y’uko abasikoresha bazitanze bagasubizwa mu buzima busanzwe.

Obat n’ubuyobozi bwa Kivu y’amajyaruguru bavuga ko gusenya izi ntwaro ari ugutangiza igikorwa cyo gushimangira amahoro nyuma y’intambara.

Intwaro zatanzwe n’abarwanyi ba FDLR bo muri Kivu y’amajyepfo zari zigiye gusneywa.

Guverineri wa Kivu y’amajyaruguru Julien Paluku akaba avuga ko nyuma yo gushyiraho Masisi itarangwamo imbundsa, ubu batangiye no guca intwaro muri Goma, umujyi ukunze kurangwamo ubwicanyi bukoreshwa imbunda.

Paluku akaba ahamagarira abarwanyi bose bafite intwaro kuzitanga ku bushake mbere y’uko ukwezi kwa Mutarama 2015 kugera ibikorwa byo guhashya imitwe yitwaza intwaro bigatangira harimo na FDLR.

Intwaro zatanzwe na FDLR n’indi mitwe yitwaza intwaro mu burasirazuba bwa Kongo zari zigiye gusenywa.

Nyuma y’abarwanyi ba FDLR n’imiryango yabo 90 yari Kanyabayonga ijyanywe Kisangani abandi barwanyi n’imiryango yabo 92 nabo bakaba kuri uyu wa gatandatu bajyanywe Kisangani nyuma yo kunyuzwa Goma.

Sylidio Sebuharara