Aba basirikare ba Monusco bashinzwe gutwara indege bashatse gutambutsa imyenda 12 y’abasirikare bashinzwe kurinda perezida Joseph Kabila wa Kongo hamwe na pistol imwe yari mu gikapu cyari gifitwe n’umunyekongo ubasemurira.

Abasirikari ba MONUSCO n’umunyekongo umwe ubasemurira bafatanywe imyenda y’abasirikari barinda umukuru w’igihugu wa RDC.

Ikibuga cy’indege cya Goma gisanzwe kirindwa n’abasirikare barinda perezida bazwi ku izina rya GR (Garde Republicaine) aribo bagize uruhare mu guhagarika abo basirikare ba Monusco.

Abo basirikare ngo bashatse gutambuta badasatswe inzego zishinzwe gusaka zibangiye bashaka gutanga ruswa y’ibihumbi 5 by’amadolari ariko ntibabyumvikanaho bahita bahagarikwa.

Aba basirikare ba Monusco bashakaga gutwara iyi myenda nk’ibindi bicyenerwa byabo nk’ibiribwa ariko abasirikare ba Kongo banga ko bitambuka batabirebye nk’uko bitangazwa n’abari ku kibuga cy’indege i Goma.

Bafatanywe imyenda 12 bashaka gutanga ruswa ngo babareke bagende.

Kugaragara kw’iyi myambaro byahise biteza ikibazo ku kibuga cy’indege cya Goma ndetse aba basirikare bahita bafatwa n’abasirikare bashinzwe kurinda ikibuga cy’indege cya Goma.

Umuyobozi w’igisirikare cya Monusco i Goma, Gen Santos Kruz yahise yitabazwa kugira ngo hatagira ikibi kibabaho aho yagiye kureba umuyobozi w’ingabo za FARDC, Gen Emmanuel Lombe abanje kwamburwa imbunda nto yitwaza.

Umuyobozi wa MONUSCO, Gen Santos Kruz yaje kureba abasirikari be bafashwe.

Sylidio Sebuharara