Maroc ngo yiteguye gufatirana umunaniro w’Abanyarwanda agatwara uduce dusigaye

Diregiteri w’imikino mu ikipe y’igihugu ya Marooc, Bilal Mohamed, atangaza ko amakipe y’u Rwanda na Eritrea atangiye kunanirwa ikintu kizafasha abakinnyi b’ikipe ye bitabiriye Tour du Rwanda 2014 babanje guha abandi umwitangirizwa.

Ibi uyu mugabo yabitangaje ubwo agace ka kane ka Tour du Rwanda 2014 kasozwaga kuri uyu wa kane tariki 20/11/2014, kakaza kwegukana n’umunya Marooc Marouini Salaeddine.

Umunya Marroc Salaeddine yageze i Rubavu ari uwa mbere.
Umunya Marroc Salaeddine yageze i Rubavu ari uwa mbere.

Umunya Marooc Marouini Salaeddine yaje kwikura mu gikundi cy’abakinnyi batanu bari imbere ubwo hari hasigaye metero 300 maze agera i Rubavu ari we uri imbere mu gusiganwa ibirometero 138 na metero 800 akoresheje amasaha atatu iminota 46 n’amasegonda 25.

Aganira n’itangazamakuru, diregiteri w’imikino mu ikipe ya Marooc Bilal Mohamed, yatangaje ko iri ari itangiriro ryo kwitwara neza kuko yariyo gahunda yabazanye mu Rwanda.

Ikipe ya Marooc yaburiye ayandi makipe muri Tour du Rwanda 2014.
Ikipe ya Marooc yaburiye ayandi makipe muri Tour du Rwanda 2014.

Ati “Hasigaye uduce dutatu tuzakomeza tugerageze kuko dushaka kugira icyo dusubirana muri Marooc. Turashaka gutwara uduce tundi tubiri hamwe no kuza muri batatu bahembwa ubwo isiganwa rizaba rishojwe”.

“Twari dufite gahunda yo kwitonda mu duce dutatu twa mbere ntitwirushye twaretse ayandi makipe akomeza guhanganira umwanya wa mbere no kuba aba mbere ahazamuka. Ubu agace ka kane mwabibonye ko amakipe y’u Rwanda na Eritrea yatangiye kunanirwa mu gihe abacu bameze neza bityo mu mpera y’isiganwa tugiye gutwara igare koko”; Bilal Mohamed.

Abanyarwanda ngo bararye bari menge kuko kunanirwa bishobora kubakoraho.
Abanyarwanda ngo bararye bari menge kuko kunanirwa bishobora kubakoraho.

Kuri uyu wa gatanu tariki 21/11/2014, ni bwo abakinnyi bari busiganwe agace karekare k’iri siganwa bahaguruka i Rubavu berekeza i Nyanza mu nzira y’ibirometero 182 na metero 400.

Jah d’eau Dukuze

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka