Uyu mubyeyi avuga ko nubwo yabyaye abazwe ameze neza uretse ko ngo ahangayikishijwe n’uburyo azarera abo bana bagakura mu gihe ubuzima abayeho bugoye bakaba nta n’isambu bagira.

Yagize ati“ndumva nta kibazo mfite gusa ikibazo mfite ni icyo kubarera kandi mfite n’abandi batanu, nari naraboneje n’urubyaro ntasiba kwiteza urushinge rw’amezi atatu sinamenye uko byagenze byarantunguye nsanze ntwite. Nta sambu tugira ubuzima tubayeho burakomeye keretse habonetse ubufasha”.

Everiyana Nyiransengiyumva arasaba umugiraneza uwo ariwe wese kumuha ubufasha no gukorerwa ubuvugizi kugira ngo abone imfashanyo yamufasha kurera abana yabyaye bityo ubuzima bwabo bokomeze kugenda neza.

Sophonie Hakizimana ushinzwe imari n’umutungo mu bitaro bya Kirehe aravuga ko ibitaro bikomeje gukoresha uko bishoboye mu guha uwo mubyeyi ubufasha bwihutirwa.

Aragira ati “tukimara kubwirwa ayo makuru hari ubufasha twamuhaye, hari amata y’amezi abiri, ibikoresho by’isuku by’abana: indobo, ibiringiti, isabune amavuta, esuwime n’abakozi batangiye gukusanya inkunga kuburyo tumaze kumubonera amafaranga 4000 kandi gukusanya inkunga biracyakomeje andi tubona turayamugezaho.”

Ubuzima bw’abo bana buragenda neza. Abo bana barutana amagarama 50. Bapima hagati ya garama 1600 na garama 1800.

Servilien Mutuyimana