Herekanywe inzoga yanywewe cyane ku isi muri 2013

Inzoga yitwa “La Snow” ikomoka mu Bushinwa niyo iza ku isonga mu nzoga zanywewe cyane ku isi mu mwaka wa 2013 na litiro zingana na miliyari 10,3nk’uko bigaragazwa n’ubushakashatsi bwakozwe na CNN.

Iki kinyobwa gisembuye cyo mu Bushinwa gikorwa na SABMiller na Local partner China Resources Enterprise kiharira 5,3% by’isoko ku isi. Ku mwanya wa kabiri mu nzoga zinywebwa ku isi hakaba haza indi nzoga y’inshinwa yitwa Tsingtao ikunze gucuruzwa ku rwego mpuzamahanga.

Iyi nzoga “Tsingtao” igemurwa no muri Leta Zunze ubumwe za Amerika kuva mu mwaka w’1972 kandi inanywebwa no mu Bufaransa. Ku mwanya wa 3 mu nzoga zinywebwa cyane haza Bud Light yo muri Amerika ndetse kuwa kane hakaza Budweiser.

La Snow, inzoga ya mbere yanyowe cyane ku isi muri 2013.
La Snow, inzoga ya mbere yanyowe cyane ku isi muri 2013.

Inzoga ya Bud-Light ikorwa na Sosiyete Anheuser-Busch ikaba ifata 2,6% by’isoko ry’inzoga ku isi. Naho Budweiser, yahawe izina ry’umwamikazi w’inzoga, ifata 2,2% by’isoko ry’inzoga ku isi kandi hanywewe litiro miliyari 4,4 mu mwaka wa 2013.

Inzoga iza ku mwanya wa mbere mu Burayi ikomoka mu Buholande “Heineken” yo iza ku mwanya wa 7 mu zinyobwa ku isi. Hakaba haranywewe litiro miliyari 2,8 zayo.

Ku mwanya wa 6 n’uwa 8 haza izindi nzoga z’inshinwa “La Yanjing (ya 6) na Harbin (ya 8). Inzoga yo muri Bresil yitwa “La Brahma” inanywebwa cyane muri Amerique Latine iza ku mwanya wa 9 naho La Coors Light iza ku mwanya wa cumi.

Inzoga zizwi nka Kronembourg na Carlsberg zikaba zitagaragara uri uru rutonde rw’inzoga zanywewe cyane mu mwaka wa 2013 ku isi nk’uko ubushakashatsi bubigaragaza.

Safari Viateur

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka