Uwari uhagarariye intara y’Uburasirazuba muri uwo muhango wabereye kuri stade ya Mukebera iri mu murenge wa Gihango tariki 16/08/2014 yashimiye iyo kipe kandi yanatangaje ko byagaragaye ko ahari ubushake byose bishoboka ndetse ngo ntibiteguye kudohoka ahubwo bazahora baharanira kudatezuka ku nshingano zabo harimo no guteza imbere siporo kuko nayo iri mu mihigo bihaye.

Yagize ati “iki gikombe cyahatanirwaga n’amakipe y’uturere 30 ariko kuba cyaraje iwacu ni ubufatanye bwa twese kandi tuzaharanira kukisubiza”. Yakomeje agira inama abaturage bo mu ntara y’Uburengerazuba kuko ngo siporo iyo ikozwe neza na gahunda za Leta zitabirwa neza abantu bari hamwe.

Umuyobozi w’akarere ka Rutsiro icyo gikombe cyatashyemo yabwiye Kigali Today ko yishimiye uburyo igikombe cyatashye mu karere ayobora, avuga ko kigaragaza ko nyuma ya gahunda za Leta abaturage bo mu karere ka Rutsiro basabana.

Ku ruhande rw’abakinnyi bahesheje ishema akarere ka Rutsiro batangaje ko igikombe bagikesha imiyoborere myiza.

Mukashema Sylvie umwe mu bakinnyi b’iyi kipe yagize ati “iki gikombe tugikesha Imana ndetse n’imiyoborere myiza kuko abayobozi batubaye hafi batugira inama iki nacyo cyaduteye ishema”.

Iki gikombe cyamurikiwe abayobozi cyahatanirwaga mu rwego rw’imiyoborere myiza mu mirenge yose y’igihugu kugeza aho bagera ku rwego rw’igihugu irushanwa rikaba ryitwa “Umurenge Kagame Cup”.

Akarere ka Rutsiro kegukanye icyo gikombe nyuma yo gutsinda akarere ka Musanze ibitego bine ku busa mukino wabereye i Kigali tariki 21/06/2014 kuri sitade ya Kicukiro.

Mbarushimana Aimable