Umuyobozi w’akarere ka Ruhango Mbabazi Francois Xavier, avuga ko bamaze gushyiraho ingamba zo gukurikirana iki kizo ndetse akanahumuriza ababyeyi ko bitazabuza abanyeshuri kwiga neza isomo ry’ikoranabuhanga.

Ati “yego koko twaribwe kandi koko kudindira bigomba kubaho, ariko nicyo ubuyobozi buberaho ubu twamaze gufata ingamba kandi turizeza ababyeyi ko abanyeshuri biga muri iki kigo bazakomeza kuza ku isonga mu isomo ry’ikoranabuhanga.”

Mu ngamba zafashwe harimo gukurikirana abakekwaho inyerezwa ry’izi mudasobwa ndetse ikibazo bakaba baramaze kukigeza muri parike. Abakurikiranyweho kunyereza izi mudasobwa harimo uwari ushinzwe ikoranabuhanga muri iki kigo ubu wanaburiwe irengero ndetse n’umuyobozi w’iki kigo.

Ibi ubuyobozi bw’akarere ka Ruhango bubitangaje nyuma y’aho njyanama y’akakarere iterenye tariki ya 27/06/2014 ikabusaba gukurikirana ikibazo cy’inyerezwa rya mudasobwa muri ishurirya GS Bukomero mu murengewa Byimana.

Komisiyo ishinzwe ubukungu muri njyanama y’akarere ka Ruhango, tariki ya 16/06/2014 nibwo yasuye iri shuri isanga koko hari mudasobwa zabuze nk’uko zagaragaye muri raporo y’umugenzi mukuru w’imari ya Leta.

Groupe Scolaire Bukomero yari yaragenewe mudasobwa 749 na minisiteri y’uburezi, umugenzuzi mukuru w’imari ya Leta asanga izigera kuri 36 zaraburiwe irengero, icyakora kuri ubu ngo izigera kuri 7 zimaze kugaruka.

Eric Muvara