Abo bana bombi bari ababyara kuko nyina w’umwana wishe mugenzi we yari mushiki wa se w’umwana wishwe. Uwo mugore yabanaga mu nzu imwe n’uwo musaza we washatse.

Ubwo aba babyeyi, batuye mu mudugudu wa Gitanga akagari ka Kamusenyi umurenge wa Byimana mu karere ka Ruhango, bari bamaze guhata ibirayi byo guteka buri umwe yatangiye gukora imirimo itandukanye kuko bwari bwije bagira ngo bateke vuba.

Nibwo uwo mwana uzwi ku izina rya Niyigena yafashe icyuma cyahatishwaga ibirayi agisogota mu gihorihori cya murumuna we ahita apfa.

Umunyamabanga nshingwabikorwa w’akagari ka Kamusenyi Ngayaboshya Felix, yavuze ko urupfu rw’uyu mwana rwatewe n’uburangare bw’ababyeyi.

Yavuze ko Avuga ko nyina w’uyu mwana wishwe Uwonkunda Vestine, yabaga kwa musaza we ndetse akab ari naho yabyariye, agasaba ababyeyi kwita ku bana babo.

Ibi bibaye nyuma y’igihe gito nabwo umubyeyi warimo guhinga mu kagari ka Mpanda muri uyu murenge wa Byimana nawe yarangaranye umwana we igihe yahingaga, umwana akagwa mu mazi y’inganzo bacukuruma ibumba akitaba Imana.

Ubuyobozi bw’akarere ka Ruhango buhora bushishikariza kwita ku bana babo, kuko kenshi hakunze kuba impfu z’abana zitunguranye ahanini biturutse kukurangara kw’ababyeyi.

Eric Muvara