Mu mukino ubanza w’iki gikombe nabwo Real Madrid yari yatsinze Barcelona 1-0 mu minota y’inyongera.

Gutsindwa kwa Barcelona ku mukino wa nyuma byahesheje igikombe cy’umwami ikipe ya Real Madrid, aho Garent Bale wabifashijemo bikomeye Madrid, yatangaje ko yishimiye cyane gutwarana igikombe bwa mbere na Real Madrid.

Mu gihe Real Madrid ikomeje kugaragaza ko ikomeye ndetse ikaba imaze imikino 2 idatsindirwa mu gihugu cyayo, ikipe ya Barcelone yo ikomeje kugaragaza intege nke no kwibasirwa no gutsindwa n’andi makipe, ari nako igenda igabanya amahirwe yo kuba yahatanira n’andi igikombe cya Shampiyona.

Nyuma yo gutsindwa na Atletico Madrid muri ¼ cy’irangiza mu marushanwa y’amakipe yabaye aya mbere iwayo ku mugabane w’i Burayi ikanasezererwa, Barcelone yongeye gutsindwa mu minsi yakurikiyeho n’ikipe ya Granada muri shampiyona 1-0.

Barcelone kandi yasubiriwe na Real Madrid kuri uyu mugoroba, iba itsinzwe gatatu kose kikurikiranya, ibintu bitaherukaga kuyibaho.

Abakunzi b’iyi kipe basanga iri kugana habi ku buryo basanga hagira icyakorwa cyane ko iyi kipe nayo iri mu migambi yo guhindura abatoza.

Kuri ubu, ikipe ya FC Barcelone yamaze kugera ku mwanya wa 3 muri Shampiyona ya Espagne aho irushwa amanota 4 yose na Atletico Madrid iri ku mwanya wa mbere n’amanota 82. Real Madrid ya 2 muri Shampiyona ikaba iyirusha inota 1, aho ifite 79 mu gihe Barcelone ifite 78.

Safari Viateur