Nyamasheke all stars basohoye indirimbo

Abahanzi biyise ibyamamare bya Nyamasheke (Nyamasheke all stars) bakoze indirimbo bashyize hamwe bayita “indongozi”. Aba bahanzi bavuga ko nta bundi buryo bafite bwo gushima ibyiza akarere kabo kamaze kugeraho atari ukubiririmba no babiratira abahandi batabizi.

Iyi ndirimbo ivuga imisozi myiza igize akarere ka Nyamasheke, amazi meza y’ikiyaga cya Kivu, ishyamba kimeza rya Nyungwe ririmo urusobe rw’ibinyabuzima n’ibikorwa bitandukanye bikorerwa mu karere ka Nyamasheke; nk’uko bitangazwa n’uwagize igitekerezo akanatumira abandi bahanzi, wiyita Boston.

Yagize ati “twahimbye indirimbo yitwa indongozi kuko abaturage ba Nyamasheke biyise indongozi, tukavuga ubwiza bw’ibyiza bigize akarere kacu ka Nyamasheke dushimira n’ubuyobozi bwacu”.

Nyamasheke all stars.
Nyamasheke all stars.

Iyi ndirimbo indongozi yahimbwe kandi itunganirizwa mu nzu itunganya indirimbo yitwa Boston records y’uyu muhanzi witwa Boston, ibyamamare byamufashije harimo Mucyo Prince, Nshimiyimana Jean, I-Fra the buel, Dushime Elise wiyita El chris na Tubanamahoro wiyita Talkman, Sister Aline na P2 sean Jon.

Uru rubyiruko rufite intego ko ruzakomeza guhanga kandi rugatanga ubutumwa rwiyumvisha ko bizahindura isi ikaba nziza kurushaho.

Igitero cy’iyi ndirimbo kigira kiti “ Nyamasheke ngenzi, ndero y’amahoro, sugira usagambe ngobyi iduhetse, dufite imisozi ibibaya n’amashyamba, na kivu itanga akabeho n’ituze, ubukerarugendo iwacu buraganje, urubyiruko rwawe natwe turatera imbere, turiga, turaroba, turorora, turahinga abandi turamotara, turakomeje twigira,…. Gukora ni kare”.

Umugwaneza Jean Claude

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka