Guverineri Kabahizi Celestin yasimbuye Minisitiri Gahongayire muri EALA

Yanditswe ku itariki ya: 29-10-2013 - Saa: 11:15'
Ibitekerezo ( 1 )

Kabahizi Celestin wari umaze imyaka itanu ari umuyobozi w‘Intara y’Uburengerazuba, tariki 28/10/2013 yatorewe kujya mu nteko ishinga amategeko y’umuryango w’ibihugu by’Afrika y’Uburasirazuba (EALA) asimbuye Muhongayire Jaqueline wagizwe ministre w’ibikowa by’umuryango w’ibihugu by‘Africa y’Uburasirazuba (MINEAC).

Kabahizi Celestin avuga ko yishimiye uriya mwanya yari yiyamamarije byemejwe n’umutwe wa politiki wa PSD akomokamo. Yatowe n’abagize inteko ishinga amategeko umutwe w’abadepite n’umutwe wa Sena mu nama rusange, nk’uko amategeko abiteganya. Yatowe ku majwi 72/94.

Kabahizi ati «ubunararibonye nakuye mu mirimo itandukanye nakoze harimo no kuba umukuru w’intara ni ubumenyi ngiye gusangiza abandi muri EALA, bityo tukazarushaho gufatanya mu kuzuza inshingano igihugu kidutegerejeho».

Kabahizi yatorewe guhagararira u Rwanda mu nteko ishinga amategeko y'umuryango w'ibihugu by'Afrika y'Uburasirazuba.
Kabahizi yatorewe guhagararira u Rwanda mu nteko ishinga amategeko y’umuryango w’ibihugu by’Afrika y’Uburasirazuba.

Kabahizi aranizeza abaturage bo mu ntara y’Uburengerazuba ko atagiye kuko azakomeza kubavuganira ku buryo bwagutse, kandi aranabashimira kuba baramubereye abaturage beza mu byo bafatanyije byose akiri guverineri.

Bamwe mu baturage bumvise iyi nkuru bwa mbere baganiriye na Kigali Today bavuga ko uriya mwanya Kabahizi yari awukwiye, kuko ngo basanga ari umuyobozi mwiza. Hari n’abatari babimenye, ariko aho babimenyeye ukabona ko ari ibintu bibanejeje cyane.

Gasana Marcellin

Andi makuru - EAC
Kamonyi: Basobanuriwe imikorere ya EAC, basabwa gutinyuka gukorera hakurya y’imipaka
20/12/2014

Ihuriro ry’imiryango ya Sosiyete Sivile ku rwego rw’Umuryango w’Ibihugu by’Afrika y’iburasirazuba (EACSOF), risobanurira ibyiciro bitandukanye by’Abanyarwanda imikorere y’umuryango (...)
Rusizi: Guhahirana na RDC bituma batamenya neza akamaro ka EAC
19/12/2014

Abaturage bo mu Karere ka Rusizi baratangaza ko batarasobanukirwa neza akamaro ko kuba u Rwanda rwarinjiye mu muryango w’ibihugu bya Afurika y’Iburasirazuba (EAC) kuko ahanini (...)
Ruhango: Haracyakenewe ubukangurambaga buhagije ku muryango wa EAC
6/12/2014

Abafatanyabikorwa b’umuryango wa EAC, bagize societe civil, baravuga ko bamwe mu banyarwanda bataramenya zimwe mu nyungu zo kuba mu muryango wa EAC, aha bagatanga urugero ku (...)
Gushyiraho Leta imwe ni kimwe mu biri bwigirwe mu nama y’abakuru b’ibihugu bigize EAC
30/11/2014

Abakuru b’ibihugu bigize umuryango wa Afurika y’iburasirazuba (EAC) barahurira mu nama ya 16 isanzwe y’abakuru b’ibihugu ibera i Nairobi muri Kenya ku cyumweru tariki (...)
1 | 2 | 3 | 4 | 5 | 6 | 7 | 8 | 9 | ... | 41

Ibitekerezo

congratulation

alias yanditse ku itariki ya: 29-10-2013
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

KT Radio - Listen Live

AMAKURU

IBIGANIRO

INGENGABIHE

AMAMAZA

Inkuru zikunzwe cyane
1
2
3
4
5
Rwanda Districts

Menya amakuru yo muri buri karere ku Rwanda

Dukurikire