Ngoma: PSD yahisemo abayoboke bayo baziyamamariza ubudepite

Yanditswe ku itariki ya: 20-05-2013 - Saa: 14:43'
Ibitekerezo ( 3 )
Print

Mu nama y’ishyaka PSD yabaye tariki 18/05/2013 mu karere ka Ngoma, hatowe abakandida batandatu bahagarariye ishyaka ryabo ku rwego rw’akarere mu matora y’Abadepite azaba muri Nzeri 2013.

Abatowe uko ari batandatu: Habiyakare Stanislas, Makuza Francois, Nkusi Juvenal, Nsengiyumva Baritazari, Nyirahirwa Veneranda na Rutsobe Michel bazahatana n’abandi bazaturuka mu tundi turere kugirango haboneka abazahagararira PSD ku rwego rw’intara y’Uburasirazuba.

Depite Nyirahirwa Veneranda uhagarariye ishyaka rya PSD mu karere ka Ngoma yasabye abayoboke ba PSD gukora cyane ngo bongere umubare w’abayoboke bikurikije amategeko.

Yagize ati “Muri iyi myiteguro turasaba abyoboke bacu gukora cyane bakongera umubare w’abayoboke mu buryo bukurikije amategeko ariko nabo badahutazwa.”

Ibikorwa byo kwiyamamaza bisaba amikoro atari make, akaba ari muri urwo rwego abayoboke ba PSD mu karere ka Ngoma bakanguriwe kwigira bakishakamo ubushobozi aho gutegereza igituruka ku rwego rw’igihugu rw’ishyaka.

Nambaje Aphrodise umuyobozi w’akarere ka Ngoma ,yasabye abayoboke ba PSD mu karere ka Ngoma kurangwa n’isuku muri byose no kuba intangarugero muri gahunda zose za Leta.

Jean Claude Gakwaya

Andi makuru - Mu Rwanda
Musanze: Abana bafite ubumuga bwo kutavuga no kutumva bahawe ibikoresho by’imyuga
25/07/2014

Umushinga wita ku bana bafite ubumuga bwo kutavuga no kutumva, Fair Children Youth Foundation (FCYF) ukorera mu Murenge wa Nyange, Akarere ka Musanze, tariki 23/07/ 2014 (...)
Ngororero: Bakoresha ibihangano mu kurwanya amakimbirane aturuka ku butaka
25/07/2014

Mu karere ka Ngororero batangiye gahunda yo gukora ubukangurambaga bwo kurwanya amakimbirane akomoka ku butaka hifashishijwe ibihangano bitandukanye, harimo indirimbo, (...)
Ministiri w’intebe Murekezi ngo yizeye inkunga ya Perezida Kagame n’abandi mu mirimo yashinzwe
25/07/2014

Ministiri w’Intebe mushya, Anastase Murekezi yiyemeje kujyana n’icyerekezo Perezida wa Repubulika, Paul Kagame yahaye u Rwanda, kandi ngo yizeye kuzahabwa inkunga y’ubujyanama (...)
Abanyarwanda bazasabwa kujya baha abana babo amazina bakivuka
24/07/2014

N’ubwo ubusanzwe mu muco wa Kinyarwanda bivugwa ko umwana ahabwa izina nyuma y’iminsi umunani avutse, biteganyijwe ko mu gihe kiri imbere Abanyarwanda bazajya basabwa guha abana (...)
Pages 1 | 2 | 3 | 4 | 5 | 6 | 7 | 8 | 9 | ...

Ibitekerezo

@wipi, Aho umuyobozi w’akarere ahuriye n’abaturage ntaba agomba kwibanda gusa kuri gahunda y’umunsi,aba agomba no kubibutsa ku zindi gahunda z’imibereho myiza ndetse n’izindi ziba zishishikaje akarere ayobora,niba yavuze ko abaturage bose bagomba kwita ku isuku si uko abo yabwiraga bari bafite umwanda,ni ukugirango n’aho bazajya kwiyamamaza ubu butumwa bazabugeze ku baturage bazaba bitabiriye kubunva.

gatera yanditse ku itariki ya: 21-05-2013

Umve Mayor, ngo abayoboke ba PSD barangwe n’Isuku!!!!Ubwo se bihuriye he n’inama yo gutora abazabahagararira??Yabonye se nta suku bafite?Ibi ni ugusebanya cyangwa gushaka icyo uvuga urangiza umuhango gusa!

wpi yanditse ku itariki ya: 21-05-2013

PSD ndabona imyiteguro iyigeze kure,amahirwe masa kuri aba batoranyijwe kandi bazaserukire abanyarwanda bose ntibazaserukire ishyaka gusa.

mukamisha yanditse ku itariki ya: 20-05-2013
Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.


KT Radio - Listen Live
Inkuru zikunzwe cyane
1
2
3
4
5
WDA
Rwanda Districts

Menya amakuru yo muri buri karere ku Rwanda

Dukurikire