Uwo muganga avuga ko abantu benshi bakoresha akaruhuko kabo mu bindi bintu harimo n’ibibafitiye inyungu bibasaba imbaraga zo mu mutwe cyangwa iz’umubiri nyamara bagombaga kuruhuka.

Christophe ntiyemera akaruhuko ko gufata icyayi cyangwa ikawa mu biro ahubwo ngo gusinzira niwo muti w’umunaniro; nk’uko tubikesha ikinyamakuru Atlantico.

Christophe avuga ko hari abakoresha usanga bahana cyangwa batonganya abakozi babo iyo basanze basinziriye mu kazi ndetse bene abo bakitwa abanebwe kandi aribyo byatuma babona umusaruro mwiza.

Gufata umwanya wo gusinzira ku kazi ngo bitanga umusaruro mwiza ku bakozi.

Kimwe na Christophe, itsinda ry’abashakashatsi b’Abanyamerika ryemeza ko kuba abakozi n’abakoresha babyuka kare batarangije ibitotsi byabo bibangamira akazi amasaha yose iyo batabonye umwanya wo gusinzira ku kazi.

Kubera iyo mpamvu, abakoresha ngo bahomba amafaranga kuva ku madolari 1967 kuzamura kuri buri mukozi bitewe no kudakora akazi neza nabyo ari ingaruka zo kudasinzira ku kazi.

Abantu babasha gusinzira niyo baba bicaye mu biro byabo ngo nibo bakora akazi neza. Ikindi kandi, ngo ningombwa gusinzira byibura isaha imwe nyuma yo gufata ifunguro rya saa sita, naho umukozi usinzira hagati y’iminota 30 na 90 ku munsi niwe uhorana imbaraga zo gukora akazi neza.

Ernest Kalinganire