Uyu mugabo yateguye gateau n’ubwitonzi bwinshi buvanzemo ubuhanga arangije yandikaho amagambo asobanura ko ahagaritse akazi ku mpamvu zo kwita ku muryango we ndetse na sosiyete y’ubucuruzi bwa gateau yatangije.

Agira ati: “… Uyu munsi nizihije imyaka 31, mu minsi mike ishize nabaye umubyeyi none mbonye ko ubuzima ari ubw’igiciro, ni ngombwa gufata umwanya wo gukora ibintu binshimisha n’abandi bantu.

Ni kubera iyo mpamvu, nsezeye ku kazi kugira ngo mparire umwanya wanjye n’imbaraga zanjye umuryango wanjye n’ubucuruzi bwa gateau buteye imbere mu myaka mike ishize…”.

Chris Holmes wari umaze imyaka irindwi akorera ku kibuga cy’indege, avuga ko yari amaze amezi atandatu atekereza kuva ku kazi kugira ngo akurikirane sosiyete ye y’ubucuruzi yashinze muri 2010 ariko ngo ikaba igeze kure itera mbere; nk’uko The Daily Mail ibitangaza.

Umuyobozi wungirije w’ikibuga cy’indege cya Stansted ashimira Chris kwifuriza abakozi bose ibihe byiza.

Ati: “Chris yadushyikirije ibaruwa ejo hashize nk’uburyo bwemewe bwo gusezera ku kazi anifuriza ibihe byiza abakozi bose natwe tumwifuriza ishya n’ihirwe mu buzima bwe buri imbere.”

Uburyo Chris yasezeye ku kazi ntibyabatangaje cyane kuko ngo asanzwe ari umuntu w’umunyarwenya.

Nshimiyimana Leonard