Uyu mugore mu busanzwe w’umupfakazi akunze gutanga ubuhamya bwe bw’uko yanduye agakoko gatera SIDA ndetse anagira inama abatarayandura, avuga ko benshi mu bagabo bakunze kumusanga iwe bamusaba ko bakorana imibonano mpuzabitsina.

Uyu mubyeyi avuga ko abagabo benshi baza kumusaba kuryamana nabo bose baba bazi neza ko yanduye kuko ngo uwe abibibwirira kugirango bareke guhubuka ariko abagabo bakamubwira ko ntacyo bibabwiye.

Kenshi ngo bamusaba ko baryamana bamusanga iwe mu gihe cy’ijoro bavuye mu kabari kunywa inzoga ariko bitavuze ko baza babuze ubwenge kuko ngo ibyo bakora baba babizi neza. Abandi ngo bakunze kumusaba kuryamana nawe ngo ni abo baba basangiye mu kabari agacupa k’inzoga kuko nubwo arwaye ngo asomaho.

Uyu mugore kandi avuga ko icyo amaze kubona ni uko abagabo bamwaka ubu bufasha ari abagabo bubatse ingo, bafite abagore baba basize mu ngo.

Iki kibazo cye yaje kukigeza ku buyobozi kugirango babe bagira inama aba bagabo ndetse anatanga amazina yabo. Ababashije kuvugana n’ubuyobozi bagiye no gupimishwa kwa muganga basanga ari bazima.

Uyu mugore nubwo yirukwaho n’abagabo benshi, avuga ko adakora umwuga w’uburaya.

Gerard GITOLI Mbabazi