Iyi myigaragambyo yabaye mu cyumweru gishize ikorwa n’itsinda ry’abanyeshuri 10 ndetse na mwarimu wabo muri kaminuza yitwa Kaposvar ibarizwa mu Majyepfo y’Iburengerazuba bw’icyo gihugu.

Ibi byabaye nyuma y’uko tariki 01/10/2013, umuyobozi w’iyo kaminuza yanditse ibaruwa ibuza abanyeshuri kuza ku ishuri batambaye imyambaro yikwije n’inkweto za kamambiri.

Iyo nyandiko iragira iti: “Guhera tariki 01/10/2013, ntibyemewe muri kaminuza kwambara utujipo tw’uduhenure, inkweto za kamambiri, kwikoraho cyane, kwitwaza ibintu bidasanzwe ndetse no gutereka inzara.”

Ariko mu gihe cy’ubushyuhe bisanzwe bizwi ko umuntu yambara imyambaro yoroheje kugira ngo umubiri ubashe guta akuka dore ko no muri icyo gihugu bagira ubushyuhe bugera ku gipimo cyo hejuru ya dogere 30.

“Twambaye neza ariko ishuri ryashyushye biba ngombwa ko dukuramo imyambaro nk’uko byemewe.” Uko ni ko umwe mu banyeshuri yabwiye Ibiro Ntaramakuru by’u Bufaransa [AFP].

Iyi myigaragambyo yitabiriwe n’abahungu n’abakobwa, bafite gahunda yo gukomeza kugaragaza akarengane kabo muri iki cyumweru aho bazigaragambya bambaye amasumi na kamambiri.

Nshimiyimana Leonard