Ntibisanzwe: Taxi yo mu kirere izatangira ingendo i Dubai muri Nyakanga
Ubuyobozi w’ikigo gishinzwe imihanda no gutwara abagenzi i Dubai, bwatangaje ko guhera muri Nyakanga hazatangira gukora taxi zigendera mu kirere nk’indege.
Babitangaje kuri uyu wa gatanu 17 Gashyantare, mu nama mpuzamahanga ya za guverinoma (World Government Summit).
Iyo taxi iguruka ikoze mu buryo bw’akadege gato katagira umupilote (drone), ikaba ishobora gutwara umugenzi umwe gusa utarengeje ibiro 100 nk’uko urubuga rwa interineti rwa BBC rubitangaza.
Ifite ubushobozi bwo kugenda km 160 mu isaha, ubu bwoko bwa taxi kandi burimo gukorwa na Google, Amazon, na sosiyete ikora taxi zo mu bwoko bwa Ubber.
Umugenzi yinjiramo ubundi agakoresha mudasobwa iri muri iyo taxi-ndege, agashyiramo aho ashaka kujya, ubundi akegama ikamujyana nta mupilote ikamugeza aho yayibwiye.
Ubuyobozi bushinzwe gutwara abagenzi i Dubai bwavuze ko mu bihugu byinshi bibujijwe gutwarira iyo taxi-ndege hafi y’abantu kuko ishobora guteza impanuka.
Kugeza ubu ibiciro by’ingendo muri izo ndege ntibiratangazwa.
Ibitekerezo ( 6 )
Ohereza igitekerezo
|
technology irakataje iyo nigera mu Rwanda bizaba aribyiza mubindi
iterambere ko numva rirenze intekezo izajya iyoborwa nande?
URWANDA NIRUTERE IMBERE MWITERAMBERE AMAJYAMBERE ARIKU RWANDA OYEE
itetambere n’ikoranabuhanga biraha ndabatahiye.
Iyo Taxi Se Umuntu Ashaka Kuyireba Yayisangahe?
Iyo Taxi Izajya Yerekezahe?