Ambasaderi wa Israheli mu Rwanda yashyize indabyo ku mva z’abazize Jenoside yakorewe Abatutsi, aha icyubahiro abazize Jenoside y’Abayahudi.

Belaynesh Zevadia, Ambasaderi wa Isiraheli mu Rwanda, wanashyize indabo ku mva zo ku rwibutso rwa Kigali ruherereye ku Gisozi, yavuze ko Isiraheli n’u Rwanda bisangiye amateka atazigera yibagirana.

yagize ati "U Rwanda na Isiraheli bisangiye amateka ashaririye no kwiyubaka bihereye ku ivu, amahirwe ni uko ibyo bihugu byombi byashoboye kurenga ayo mateka bigatera imbere."

Bamwe mu bayobozi bahagarariye ibihugu byabo mu Rwanda, bifatanyije na Isiraheli muri uyu muhango.

Prof. Daniel Gold, umwe mu barokotse Jenoside yakorewe Abayahudi, yasangije abitabiriye uyu muhango uburyo yayirokotse, nyuma akabasha no kwiyubaka. ati "Abana b’Abayahudi barenze miliyoni barishwe muri Holocaust. Biragoye kwiyumvisha aho Ubumuntu bw’abicanyi bwari bwagiye."

Jenoside y’Abayahudi izwi ku izina rya Holocaust, yabaye yagati y’umwaka w’i 1941 n’i 1945 mu gihe cy’intambara ya kabiri y’isi. ikozwe n’Abadage bari mu ishyaka ry’Abanazi. Ifatwa nka Jenoside ya mbere ku isi yaguyemo abantu benshi kandi ikoranywe ubugome ndengakamere.

Hakurikiyeho ibiganiro bitandukanye biganisha kuri Jenoside.

Icyo gihe Adolf Hitler wari Perezida w’u Budage ni we wari ku isonga ryo kuyitegura, kubera urwango yari afitiye Abayahudi.

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )