Abanyereje imitungo ya Leta bagiye guhagurukirwa

Minisitiri w’Ubutabera akaba Intumwa Nkuru ya Leta, Busingye Johnston, aratangaza ko abafitiye imyenda Leta bagiye gukurikiranwa nyuma y’igihe kinini bihanganirwa.

Iperereza ryakozwe n’Ubushinjacyaha Bukuru rigaragaza ko ibigo 112 byagaragaweho kunyereza umutungo wa Leta muri 2007, naho muri 2008 haboneka ibigo 115 mu gihe kuva 2009-2010 ibigo byiyongereye bikaba 118.

Minisitiri w'Ubutabera, Johnston Busingye, uvuga ko abafitiye Leta imyenda bagomba gukurikiranwa.
Minisitiri w’Ubutabera, Johnston Busingye, uvuga ko abafitiye Leta imyenda bagomba gukurikiranwa.

Kuva muri 2010-2011 ho ibigo 107 byagaragayemo gukoresha nabi umutungo wa Leta, 2011-2012 hagaragazwa ibigo 134 naho 2012-2013 haboneka ibigo 127.

Umubare w’ibirego byajyanwe mu nkiko kubera imikoreshereze mibi y’umutungo wa Leta kuva 2007 kugera 2013 ni 260 naho abantu bashinjwe gucunga nabi umutungo wa Leta baba igihumbi na 64.

Abakurikiranyweho gukoresha nabi umutungo wa Leta bemeye kuwugarura ni 315, bose hamwe bagomba kugarura miliyoni 144 n’ibihumbi 550.

Ubushinjacyaha Bukuru buvuga ko amafaranga ya Leta yamaze kugarurwa kuva 2007 kugera 2013 ari miliyoni 210 n’ibihumbi 649 na 638 yiyongeraho amadolari y’Amerika 4,800 yagaruwe n’abantu 492.

Ibihano byatanzwe mu bigo 205 ku banyereje umutungo wa Leta naho abakozi 635 bahabwa ibihano mu gihe amakosa y’imicungire mibi y’umutungo wa Leta avuye ku buyobozi yari 632 kuva 2007 kugera 2013.

Iperereza ryakozwe muri 2013-2014 n’Ubushinjacyaha Bukuru rigaragaza kandi ko mu bigo bya Leta 127 byagenzuwe, 84 byakurikiranywe naho 43 bigaragaza raporo y’imikoreshereze y’imari ya Leta. Muri 84 byakurikiranywe 77 iperereza ryararangiye naho 7 riracyakomeje.

Mu birego 80 by’abanyereje umutungo wa Leta byashyikirijwe ubushinjacyaha, 44 byararangijwe naho 36 ntibirarangira, mu gihe mu byaha birindwi byatanzwe, abaregwa 22 bemeye kwishyura miliyonin 12 n’ibihumbi 500.

Mu birego 17 biregwamo abantu 51 bemeye kwishyura amafaranga y’u Rwanda miliyoni 36 n’ibihumbi 779 na 863, amadorali y’Amerika Ibihumbo 4 na 100 n’amayero ibihumbi 3 na 726.

Kuva muri 2014-2015, Leta yatanze ibirego 751 bigaragaza ko yahombejwe amafaranga angana na miliyari 18 miliyoni 530 n’ibihumbi 179 n’amafaranga 881. Naho muri 2015-2016 hatanzwe ibirego by’igihombo cy’amafaranga miliyari 8 na miliyoni 10 n’ibihumbi 156 na 264.

Ubushinjacyaha Bukuru buvuga ko hanakurikiranywe icungwa nabi ry’umutungo wa Leta muri gahunda ya VUP aho abantu 34 barezwe guhombya Leta miliyoni 101, ibihumbi 4 n’amafaranga 100.

Muri gahunda y’ubudehe, abantu batatu bakurikiranyweho guhombya miliyoni 6 n’ibihumbi 220 naho 7 baregwa kunyereza ifumbire ifite agaciro ka miliyoni 1 n’ibihumbi 740.

Abantu barindwi kandi bakurikiranyweho kunyereza miliyoni 2, ibihumbi 335 n’amafaranga 500 muri gahunda ya “Gira inka”, naho mu bigo nderabuzima hahombejwe miliyoni 380, ibihumbi 707 n’amafaranga 619.

Ubushinjacyaha Bukuru bugaragaza ko abantu 81 bahamijwe icyaha cyo kunyereza umutungo wa leta 2011-2012, naho 2012-2013 abantu 130 bahamijwe ibyaha, 2013-2014 abahamijwe ibyaha ni 398 naho 2014-2015 abemejwe ibyaha ni 311.

kigalitoday android app mobile

Ibitekerezo   ( 3 )

hahha,mugere,kigembe,muri,

IRIGUkunze,jabpatisita yanditse ku itariki ya: 13-06-2016  →  Musubize

hahahahahahaha aaaaa hahahaha!!! Murabeshya! Murabeshya weeee.. Muhora muvuga ngo bagiye gukurikiranwa. Ahubwo habura iki? Mugihe umukuru w’Igihugu yabahaye ibisabwa byose?

Peter yanditse ku itariki ya: 11-04-2016  →  Musubize

Muzakurikirane na E/S wa Nyabugogo cell witwa INGABIRE Alphonsine aho yanyereje amafr akiri E/S wa Kabeza cell twose turi mu murenge wa Muhima, akarere ka Nyarugenge. Murakoze

Alias yanditse ku itariki ya: 8-04-2016  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka