Charly na Nina bakiriwe na Ambasaderi w’u Rwanda mu Bubirigi

Yanditswe na

KT Editorial

15-03-2017 - 19:57' | Ibitekerezo ( 1 )

kuri uyu wa Gatatu tariki ya 15 Werurwe 2017, Abahanzi Charly na Nina bamaze iminsi bakorera ibitaramo mu gihugu cy’u Bubirigi n’icy’u Bufaransa, bakiriwe na Ambasaderi Olivier Nduhungirehe uhagarariye u Rwanda mu gihugu cy’u Bubirigi.

Ambasaderi Nduhungirehe yacyira Charly na Nina muri Ambasade y'u Rwanda mu Bubirigi

Ambasaderi Nduhungirehe yabakiriye ku cyicaro cya Ambasade y’u Rwanda, iherereye i Buruseri mu Murwa mukuru w’u Bubirigi

Mu butumwa Ambasaderi Nduhungirehe yashyize ku rubuga rwe rwa Twitter abakirira yagize ati"Nakiriye charly na Nina abahanzikazi b’ibitangaza. Ni beza kandi bafite impano. Ibyiza biri imbere."

Ni ku nshuro ya mbere aba bahanzi bari bageze ku mugabane w’u Burayi bataramira imbaga y’Abanyarwanda ndetse n’abandi bakunzi ba muzika yabo, aho bataramaga ku buryo bwa Live.

Kubera Gahunda nyinshi bafite muri muzika yaba mu gihugu ndetse no hanze yacyo, byatumye basezera mu bahanzi icumi bagombaga guhatanira irushanwa rya Primus Guma Guma super star icyiciro cya Karindwi, basimburwa na Queen’ Cha.