Iki gitekerezo ngo bakigize nyuma yo kuganira n’urubyiruko rurimo gukora ubu bukangura mbaga bwo gutabariza Somalia no kwitabira ibitaramo bitandukanye bijyanye n’ubu bukangurambaga. Byatumye basobanukirwa neza n’ububabare bariya bantu bafite, bumva nabo bagomba gufasha no gutanga inkunga n’imbaraga byabo nk’abahanzi. Jimmy ati :” Erega natwe turi abantu kandi burya iyo ukoze icyiza ntakabuza ugisanga imbere”.

Bateguye iki gitaramo bafatanije na Rwanda Youth Campaign for Somalia kandi barasaba Abanyarwanda kuzitabira iki gitaramo ari benshi kugirango bashyigikire iki gikorwa cyo gufasha abarimo kwicwa n’inzara.

Kuri uwo munsi hazaba haje Keko,umuraperikazi ukomeye cyane muri kano karere k’i burasirazuba bw’Afurika. Bravugwa ko kuri uyu wa kane araba asesekaye mu Rwanda.

Muri uku kumurika iyi albumu yabo kandi hazaba hari na SHEEBA nawe umaze kubaka izina muri kano karere akaba yaranahoze mu itsindwa rya OBSESSIONS. Mu banyarwanda bazabafasha muri icyo gikorwa harimo Jay Polly, Kitoko, Dream Boys, Kamichi, Bulldogg, Dany, Jean Paul Samputu, Miss Jojo, Olivis,Christopher n’abandi.

Clemence Keza