Hatagize igihinduka, The Ben azamurika alubumu ye ya kabiri mu mpera z’uyu mwaka; nk’uko tubikesha Sabin Murungi.

Bitarenze uyu mwaka kandi The Ben ngo azaza azaza mu Rwanda ari kumwe n’abandi bo muri Press One aribo Meddy na Lick Lick n’abandi.
Press One ifite gahunda yo kuzazenguruka bimwe mu bihugu byo ku isi bakora ibitaramo.

Press One Label (inzu itunganya ikanita ku nyungu z’abahanzi) ni label yashinzwe na Lick Lick wari uzwi cyane hano mu Rwanda mu gutunganya umuziki muri studio ya Unlimited isigaye ikoreramo Producer Fazzo.

Iyi Press One label kugeza ubu irabarizwamo abahanzi nka Meddy, The Ben, K8 Kavuyo, Lick Lick, Cedru na Alpha Rwirangira bikekwako nawe yaba yaramaze kuyinjiramo.

The Ben.

Kugeza ubu, The Ben yashyize hanze indirimbo ye ya kane yakoreye muri Amerika ikaba ari iya gatatu ikorewe muri Press One. Izi zikaba ari zimwe mu zizagaragara kuri alubumu ye ya kabiri akaba ataratangaza izina ryayo.

Indirimbo nshya ya The Ben yitwa “I am in Love”. Amwe mu magambo agize iyi ndirimbo nshya ya The Ben ni: “...Amarangamutima yanjye niyo abizi, mu nzozi zanjye niho wibera, sinkifite uburyo mbiguhisha nsobanukiwe ibyo numvaga mbere, wamvanye mumwijima injyana mumucyo. Nzakurutisha abakwegera nzakwambika impeta y’ubutesi...”
The Ben yagize ati: “Iyi ni indirimbo iri positive ku bantu benshi. Iyi ndirimbo nayikoze kubera inspiration nagize kandi ntekerezako aribyo biba mu rukundo ruhamye.”

Yagize n’ubutumwa aha abafana be agira ati : « Abafana banjye ndabakumbuye cyane, bitari cyera Press One iraza kubataramira mu Rwanda. Hamwe na Press One harategurwa Launch yanjye muri Amerika na Canada”.

Marie Clemence CYIZA UWIMANIMPAYE