Miss Elsa yatangiye urugamba rwo guteza imbere ibikorerwa mu Rwanda (Amafoto)

Nyampinga Rwanda 2017, Iradukunda Elsa yatangiye gushyira mu bikorwa umushinga we wo guteza imbere ibikorerwa mu Rwanda ahereye Iburasirazuba muri Rutsiro.

JPEG - 82.2 kb
Miss Iradukunda Elsa yasuye urubyiruko rufite uruganda rukora inkweto muri Rutsiro

Tariki ya 28 Werurwe 2017, nibwo yageze mu Karere ka Rutsiro asura urubyiruko rufite uruganda rwitwa New Vision rukora inkweto, imikandara, amasakoshi n’ibindi.

Yazengurukijwe aho rukorera anerekwa ibintu bitandukanye rukora. Ibyo byatumye agura inkweto z’abakobwa zikorwa n’urwo rugonda. Yijeje urwo rubyiruko ubufatanye no gukomeza kubakorera ubuvugizi.

Miss Elsa kandi yaganiriye n’abanyeshuri bo mu kigo cy’amashuri kiri mu murenge wa Boneza, mbere yuko bajya mu biruhuko.

JPEG - 121.1 kb
Miss Iradukunda Elsa yaganiriye n’abanyeshuri bagiye kujya mu biruhuko mu Karere ka Rutsiro

Yabahamagariye gukomeza kurangwa n’ikinyabupfura aho bari hose. Ababwira ko kandi ibirihuko ari umwanya mwiza wo gufasha ababyeyi aho kuzerera.

Nyuma y’uruzinduko rwe muri Rutsiro, Nyampinga Iradukunda Elsa arakomereza mu Karere ka Rubavu, kuri uyu wa gatatu tariki ya 29 Werurwe 2017.

JPEG - 104.6 kb
Miss Iradukunda Elsa yaguze inkweto zikorwa n’urubyiruko rw’i Rutsiro
JPEG - 131.3 kb
Miss Iradukunda Elsa yaganiriye n’abanyeshuri abahamagarira kurangwa n’ikinyabupfura

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka