Aya marushanwa y’umunsi umwe yateguwe na Beach Volley Ball Friends Forum yari yitabiriwe n’amakipe icumi higanjemo amakipe yo mu karere ka Karongi.

Muri kimwe cya kabiri, ikipe ya Flavien na Mutesi yatsinze ikipe ya Girimbabazi na Hakizimana amaseti 2-0 mu mukino umwe naho mu wundi mukino ikipe ya Marechal na Jean Luc itsinda iya Nkuranga na Mugabo amaseti 2-0.

Mu mukino wa nyuma ikipe ya Flavien na Mutesi yatsinze ikipe ya Marechal na Jean Luc amaseti 2-0.Seti ya mbere yarangiye ari 21-19 naho iya kabiri irangira ari 27-25.

Ikipe ya mbere ya Flavien na Mutesi yahembwe amafaranga ibihumbi 60 n’igikombe naho ikipe ya kabiri ya Marechal na Jean Luc ihembwa ibihumbi 40. Iya gatatu igizwe na Nkuranga na Mugabo yo yabonye amafaranga ibihumbi 30 naho iya kane igizwe na Girimbabazi na Hakizimana ibona ibihumbi 20.

Aya marushanwa aba buri mwaka agatambutswamo ubutumwa bwo kurwanya Sida. Insanganyamatsiko y’uyu mwaka yari “Rubyiruko dufatanye twirinde kandi turinde abandi virusi itera Sida twubake ajo hazaza.”

Jacques Furaha