Kirehe Vc mu bagabo na RRA WVC mu bagore zegukanye ibikombe bya Carre D’as

Kuri uyu wa 1 Ukwakira 2017 ni bwo irushanwa rya Carre D’as risoza umwaka w’imikino muri Volley ball ryasojwe risiga na Rwanda Revenue Athority ari zo zegukanye igikombe.

Iryo rushanwa ryari ryatangiye kuri uyu wa Gatandatu tariki ya 30 Nzeli 2017 rihuza amakipe ane yabaye aya mbere muri shampiyona, aho mu bagore RRA yatsinze APR amaseti 3-2 mu gihe mu bagabo Kirehe yatsinze APR amaseti 3 kuri 1

JPEG - 2.8 Mb
Gisagara yatwaye shampiyona yahawe igikombe yatsindiye

Kirehe yegukanye igikombe yari yabaye iya kabiri muri shampiyona yatangiye umukino itsindwa iseti ya mbere ku manota 25 kuri 21

JPEG - 218.5 kb
APR na kirehe mu bagabo zahuriye ku mukino wa nyuma, zisiga Gisagara yatwaye igikombe cya shampiyona
JPEG - 186.6 kb
Nyirimana Fidele wigeze gutoza Rayon Sports VC, yanahesheje Kirehe Carre D’as

Rwanda Revenue Authority mu bari n’abategarugori yegukanye igikombe ku nshuro ya gatanu yikurikiranya

Ikipe ya Rwanda Revenue Authority y’abari n’abategarugori yongeye gutwara igikombe cya Carre D’as aho yahise yuzuza inshuro eshanu itwara icyo gikombe yikurikiranya, aho yatsinze APR amaseti 3-2.

JPEG - 226.6 kb
Umukino wa nyuma mu bari n’abategarugori wahuje APR na RRA

Ikipe ya APR WVC yari yatsinzwe na RRA mu majonjora amaseti 3-0 ni yo yari yatangiye itsinda iseti ya mbere aho yatsinze ku manota 25 kuri 18, RRA itsinda iya kabiri ku manota 25 kuri 19 inongera itsinda iya 3 kuri 25 kuri 21, iba igize amaseti 2 kuri 1 ya APR.

JPEG - 253.4 kb
RRA imaze kuba ubukombe mu mukino w’intoki wa Volleyball

APR yaje kugaruka mu mukino itsinda iseti ya kane ku manota 25 kuri 20 bituma amakipe yombi akina iseti nkemurampaka ya Sewuru iza guhirwa na RRA yatsinze amanota 15 kuri 12 ihita inegukana igikombe cya 5 cya Carre D’as yikurikiranya kuva mu mwaka wa 2013.

Amakipe yitabiriye Carre D’as uyu mwaka ni Gisagara yatwaye igikombe cya shampiyona, APR na Kirehe mu bagabo na RRA, G.s Saint Aloys, APR na Ruhango mu bagore.

JPEG - 190.6 kb
Ibikombe bya shampiyona y’icyiciro cya mbere n’icya kabiri byatanzwe

Ikipe yatwaye igikombe mu byiciro byombi yaba mu bagabo no mu bagore yahawe igikombe n’ibihumbi 350 naho iyabaye iya mbere muri shampiyona ikaba yahawe ibihumbi 500 n’igikombe.

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka