Ni umunsi uhurirana n’isabukuru y’umutoza Arsene Wenger utoza ikipe ya Arsenal Perezida Kagame afana, unahurirana n’intsinzi ya Arsenal y’ibitego 5-2 yatsinze Everton.

Kuva ku rugamba rwo kubohora u Rwanda, Perezida Kagame ahora iteka aharanira ko himakazwa ibitekerezo by’ubutwari. Akunda abarangwa n’ishyaka ry’intsinzi haba mu mikino no mu buzima busanzwe.

KT Radio, Radio ya Kigali Today yabateguriye icyegeranyo yise ”Perezida Kagame inshuti y’imikino” gikubiyemo uburyo yagiye ashyigikira siporo mu bihe bitandukanye kugeza n’aho, yatinze ku kibuga cy’indege cy’i Kanombe, ategereje kwakira imwe mu makipe y’igihugu.

Wari uzi se umwanya Perezida Kagame yari gukinaho iyo aramuka abaye umukinnyi w’umupira w’amaguru?

Kurikira icyo cyegeranyo uramenya byinshi ku ruhare rwa Perezida Kagame muri siporo y’u Rwanda no muri Afurika.

Perezida Kagame yakiriye Team Rwanda yegukanye Tour du Rwanda 2014, aha yari kumwe na Valens Ndayisenga

Perezida Kagame ni umukunzi w’imena w’Arsenal yo mu Bwongereza. Aha yari yasuwe na Tony Adams wahoze ari myugariro ukomeye w’iyo kipe

Perezida Kagame yashimiwe na CAF ku ruhare rwe mu guteza imbere imikino muri Africa