Iryo rushanwa risanzwe riri ku ngengabihe y’amarushanwa ya Triathlon ryari ryitabiriwe n’abakinnyi 28, barimo abagabo 23 n’abakobwa 5, bahagurukiye ku muryango wa Stade Amahoro mu nzira bagombaga kuzenguruka mu bice bya Remera na Kimironko, bagasoreza nanone ku muryango wa Stade Amahoro.

Mu bagabo uwa mbere yabaye Rukara Fazil w’ikipe ya Kigali wakoresheje hose isaha imwe iminota itatu n’amasegonda icumi naho mu bakobwa Uwineza Hanani wari wegukanye irushanwa riheruka kubera Muhazi aza ku mwanya wa mbere akoresheje isaha imwe, iminota 20 n’amasegonda 58

Uko bagiye bakurikirana.

Mu bagabo

1.Rukara Fazil 1h3’10’’

2.Marc Schut (1h04’)

3. Ngarukiyehafi Jean de Dieu (1h5’57")

Abakobwa

1.Uwineza Hanani (1h21’3")

2. Britney Power (Umunyamerikakazi) (1h29’30")

3.Tuyishime Alice (1h37’54")

Mu bihembo byatanzwe uwa mbere mu bagabo yahembwe ibihumbi 50 n’ikarito ya Coca Cola, uwa kabiri ahembwa ibihumbi 40 n’ikarito ya Coca Cola , uwa gatatu ahembwa ibihumbi 30 n’ikarito ya Coca Cola.

Mu bakobwa ho uwa mbere yahembwe ibihumbi 40, uwa kabiri ahembwa ibihumbi 30, uwa gatatu ahembwa ibihumbi 20 bose hiyongereyeho n’ikarito imwe ya Coca Cola.

Mu mafoto, uko isiganwa ryagenze

Rukara Fazil wabaye uwa mbere ubwo yari mu gice cyo kwiruka

Okenge Andre, umwe mu batoza b’uyu mukino

Mbere yo gutangira irushanwa, abakinnyi bari bategereje uruhushya rwo gutangira

Mbaraga Alexis uyobora ishyirahamwe ry’umukino wa Triathlon mu Rwanda aganira n’abanyamakuru

Marc schutz wabaye uwa kabiri na Alexis Mbaraga ukuriye ishyirahamwe ry’umukino wa Triathlon mu Rwanda, baganira nyuma y’irushanwa

Imodoka yakurikiranaga abakinnyi

Ibyishimo byari byose ku ikipe y’abanyamahanga basanzwe baba muri Kigali, iyi yari yitabiriye irushanwa bwa mbere

Hategekimana Timamu wari usanzwe aba uwa mbere kuri iyi nshuro yatunguwe , avuga ko iyo hatarimo koga bimugora

Iri siganwa ryanitabiriwe n’abanyamahanga

Tuyishime Alice wari usanzwe aza ku mwanya wa kabiri, yatunguwe arangiza ku mwanya wa gatatu

Bamwe mu bitabiriye iri rushanwa

Alice Tuyishime wabaye uwa gatatu mu bakobwa yahobaranaga na Britney Power wabaye uwa kabiri

Rukara Fazil wabaye uwa mbere ubwo yari mu gice cyo kwiruka yatunguye benshi kubera umuvuduko we

Abaje mu myanya itatu ya mbere mu bakobwa aribo Uwineza Hanani, Britney Power na Tuyishime Alice

Tuyishime Alice wari usanzwe aza ku mwanya wa kabiri, yatunguwe arangiza ku mwanya wa gatatu

Uwineza Hanani usanzwe ari numero ya mbere mu Rwanda mu bakobwa akandagira igare

Britney Power waje ku mwanya wa kabiri mu bakobwa

Amafoto: Kwizera Fulgence