U Rwanda rurakina na Sudani y’Amajyepfo muri Uganda

Mu marushanwa ya Handball ari guhuza ibihugu bitandatu byo muri Afurika y’Iburasirazuba, u Rwanda rurakina umukino wa mbere na Sudani y’Amajyepfo

Guhera kuri uyu wa Gatandatu muri Uganda Christian University iherereye Mukono muri Uganda, hari kubera irushanwa rya Handball rihuza amakipe y’abatarengeje imyaka 20 mu bagabo n’abagore, aho u Rwanda ruhagarariwe n’ikipe y’abagabo.

JPEG - 149.6 kb
Ikipe y’u Rwanda irakina umukino wa mbere uyu munsi

Ku i Saa cyenda za Uganda (Saa munani zo mu Rwanda), ikipe y’u Rwanda iraza kuba ikina umukino wayo wa mbere mu itsinda rya kabiri irimo hamwe na Uganda na Sudani y’Amajyepfo.

Umukino wa mbere muri iri tsinda wagombaga guhuza Uganda na Sudani y’Amajyepfo, ariko Sudani itinda kuhagera biyiviramo no guterwa mpaga y’ibitego 10-0, biha amahirwe ikipe ya Uganda yo kurara iyoboye itsinda mu gihe u Rwanda rutarakina na Sudani.

JPEG - 149.4 kb
Abakobwa ba Kenya bagaragaje urwego ruri hejuru y’urwa Tanzania

Mu mikino yaraye ibaye, ikipe ya Kenya yatsinze Tanzania ibitego 41-15 mu bakobwa , naho mu bagabo Kenya itsinda u Burundi ibitego 37 kuri 20.

Amwe mu mafoto yaranze umunsi wa mbere

Kenya inyagira Tanzania
Kenya inyagira Tanzania

Bisaba gushyira imbaraga mu kuboko ngo utere ishoti iremereye
Bisaba gushyira imbaraga mu kuboko ngo utere ishoti iremereye

Asimbuka ngo atsinde igitego ...
Asimbuka ngo atsinde igitego ...
Ikipe ya Kenya yihereranye Abarundi
Ikipe ya Kenya yihereranye Abarundi
Abahungu ba Kenya
Abahungu ba Kenya
Abakobwa ba Kenya
Abakobwa ba Kenya

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka