Amakipe 12 niyo yitabiriye kwibuka muri Handball

Amakipe 12 harimo umunani y’abagabo n’ane y’abagore niyo yitabira irushanwa ryo kwibuka abari abakunzi b’umukino wa Handball bazize Jenoside yakorerwe Abatutsi, ritangira kuri icyi cyumweru tariki 09/06/2013.

Mu bagabo amakipe umunani agabanyije mu matsinda abiri. Itsinda rya mbere rikinira ku nzu y’imikino ya Kimisagara, rigizwe na Gucumbi, Nyakabanda, APR na Zaza.

Itsinda rya kabiri rikinira kuri stade Amahoro i Remera ririmo Police, ES Kigoma, Kaminuza y’u Rwanda na KIE.

Mu bagore, iri rushanwa, ryitabiriwe n’amakipe ane, akinira muri KIE ndetse na Kimisagara.

Amakipe y’abagore yitabira iryo rushanwa ni Groupe Scolaire Mwendo, Ecole Secondaire Mukingi, APAPEKI Cyuru na Gorillas HC. Amakipe yose uko ari ane arahura hagati yayo, hanyuma ikipe ibaye iya mbere ikazahabwa igikombe.

Mu bagabo ho, amakipe abiri ya mbere muri buri tsinda azakomeza muri ½ cy’irangiza maze ebyiri zitsinze zizakine umukino wa nyuma.

Kimwe n’andi mashyirahamwe y’imikino, Ishyirahamwe ry’umukino wa Handball mu Rwanda (FERWAHAND) ryateguye iri rushanwa mu rwego rwo kwibuka nk’uko byasabwe na Minisiteri ya siporo, ko buri shyirahamwe rizajya ritegura aya marushanwa, ntibikorwe n’ababishatse gusa ngo abandi babireke.

Gahunda yo kwibuka mu mashyirahamwe y’imikino mu Rwanda yatangiye tariki 01/06, ikazasozwa tariki 15/06/2013.

Theoneste Nisingizwe

kigalitoday android app mobile

Ibitekerezo   ( 1 )

APR handball club bravo!!!!!igikombe cyo kwibuka abatitsi bazize Genocide muri Mata 1994 nicyacu!!!!!Duharanire kwigira.

fifi yanditse ku itariki ya: 10-06-2013  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka