Shene za Televiziyo zirenga 20 zirerekana Tombola yitabirwa na Rayon Sports

Kuri uyu wa Gatatu nibwo ikipe ya Rayon Sports iza kumenya ikipe bazahura muri 1/16 (play-off) cya CAF Confederation Cup muri Tombola ibera i Cairo

Ku i Saa moya za hano i Kigali nibwo haza gutangira Tombola yo gushyira mu matsinda ya CAF Champions League, ndetse n’imikino ya Play-off yo guhatanira kujya mu matsinda ya CAF Confederation Cup.

Iyi tombola iraza gukurikiranwa ku masheni akomeye agaragara muri Afurika ndetse no hanze y’Afurika arimo shene ziri kuri DSTV nka Super Sport, Canal+ ndetse n’iziri kuri Star Times.

Shene za televiziyo zirerekana iyi tombola ubwo iza kuba iri kuba
Shene za televiziyo zirerekana iyi tombola ubwo iza kuba iri kuba

Urutonde rwa Shene za Televiziyo ziza kwerekana uko Tombola igenda

Uko tombola iza kugenda

VAF yashyize amakipe mu dukangara tune bitewe n’uko amakipe yagiye yitwara mu myaka itanu ishize, bituma amakipe ane yasezerewe muri Champions league ashyirwa mu gakangara ka mbere, ane yandi yakomeje muri Confederation Cup ahagaze neza ashyirwa mu ka kabiri.

Andi makipe 12 yasezerewe muri Champions league ashyirwa mu ka gatatu, naho andi nanone yakomeje muri Confedeeration Cup mu gakangara ka kane.

Uko udukangara duteye

Agakangara A: El Hilal (Sudan), Saint George (Ethiopia), AS Vita (DR Congo), Zanaco (Zambia)

Agakangara B: USM Alger (Algeria), Supersport United (South Africa), Hilal Obied (Sudan), Enyimba (Nigeria)

Agakangara C: ASEC Mimosas (Cote d’Ivoire), Mounana (Gabon), Young Africans (Tanzania), Williamsville (Cote d’Ivoire), Aduana (Ghana), Gor Mahia (Kenya), UD Songo (Mozambique), MFM (Nigeria), Plateau (Nigeria), Rayon Sports (Rwanda), Generation Foot (Senegal), Bidvest (South Africa)

Agakangara D: CR Belouizdad (Algeria), La Mancha (Congo), CARA (Congo), El Masry (Egypt), Niefang (Equatorial Guinea), Wolaitta Dicha (Ethiopia), Fosa Junior (Madagascar), Djoliba (Mali), RS Berkane (Morocco), Raja Club Athletic (Morocco), Costa do Sol (Mozambique), Akwa (Nigeria).

Tombora iratangira amakipe 4 yo mu gakangara A atombora ayo mu gakangara D. Hanyuma amakipe 4 yo mu gakangara B atombore ayo mu gakangara C (arimo na Rayon Sports).

Nibirangira, amakipe 8 aza gusigara mu gakangara C kabarizwamo na Rayon Sports aratomborana n’andi 8 asigara mu gakangara D.

Rayon Sports yasezerwe na Mamelodi iraza kumenya indi kipe bazacakirana
Rayon Sports yasezerwe na Mamelodi iraza kumenya indi kipe bazacakirana

Aha Rayon Sports ishobora gutomborwa na USM Alger (Algeria), Supersport United (South Africa), Hilal Obied (Sudan), Enyimba (Nigeria). Cyangwa yo igatombora CR Belouizdad (Algeria), La Mancha (Congo), CARA (Congo), El Masry (Egypt), Niefang (Equatorial Guinea), Wolaitta Dicha (Ethiopia), Fosa Junior (Madagascar), Djoliba (Mali), RS Berkane (Morocco), Raja Club Athletic (Morocco), Costa do Sol (Mozambique), Akwa (Nigeria).

Naho amakipe Rayon Sports idashobora gutombora ni amakipe ari mu gakangara C nayo irimo, ndetse nayo mu gakangara A arimo El Hilal (Sudan), Saint George (Ethiopia), AS Vita (DR Congo) na Zanaco (Zambia)

kigalitoday android app mobile

Ibitekerezo   ( 2 )

None se kuri star time turayirebera kuyihe Chanel?Plz mutubwire.Thx

Gahungu Joseph yanditse ku itariki ya: 21-03-2018  →  Musubize

Arikose TVR yacu mama ibyayo bite?😑😑😑

muvala yanditse ku itariki ya: 21-03-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka