Rayon Sports yongeye gutakaza amanota imbere ya Mukura i Huye-Amafoto

Ikipe ya Rayon Sports inganyije na Mukura ubusa ku busa, mu mukino w’umunsi wa 20 wabereye kuri Stade Huye

Wari umukino Rayon Sports yatekerezaga ko uza kuyifasha gusatira APR na AS Kigali bigaragara ko ari yo bahanganiye igikombe cya Shampiona, aho ayo makipe yo yari yabashije gutsinda imikino aheruka gukina mu mpera z’iki cyumweru.

JPEG - 257.1 kb
Rwatubyaye Abdul yari yagarutse mu kibuga

Mu gice cya mbere cy’umukino, ikipe ya Rayon Sports ku bakurikiye uyu mukino bemezaga ko ikipe ya Mukura iri kubarusha, aho ndetse iyi kipe yagiye ihusha uburyo butandukanye bwashoboraga kuvamo igitego,mu gihe Rayon Sports yon ta buryo bugaragara yabonye bwashoboraga kuvamo igitego.

Mu gice cya kabiri cy’umukino, umutoza Ivan Minnaert wa Rayon Sports yaje guhita asimbuza Ismaila Diarra na Habimana Youssuf, abasimbuza Shaban Hussein Tchabalala na Nyandwi Saddam, aba baje kugerageza gushakisha uburyo bwavamo igitego, ariko ntibyigeze bibahira, umukino uza kurangira amakipe yombi anganya ubusa ku busa.

Abakinnyi babanje mu kibuga

Mukura VS: Rwabugiri Omar, Iragire Saidi, Nshimirimana David, Rugirayabo Hassan, Mujyanama Fidele, Duhayindavyi Gael, Bukuru Christophe, Ciza Hussein, Mutebi Rashid, Kevin Hakizimana na Lomami Frank.

JPEG - 331.4 kb
Mukura yabanje mu kibuga

Rayon Sports : Ndayishimiye Eric Bakame, Mutsinzi Ange, Manzi Thierry, Rwatubyaye Abdoul, Yannick Mukunzi, Mugisha Francois Master, Irambona Eric, Habimana Youssouf, Christ Mbondi, Muhire Kevin na Ismaila Diarra.

JPEG - 382.3 kb
Rayons Sport izitabira CECAFA y’amakipe mu kwezi gutaha

Uko imikino y’umunsi wa 21 wa shampiyona yagenze

Ku wa Kabiri tariki ya 8 Gicurasi

Etincelles FC vs Marines FC (Warasubitswe)

Kuwa Gatatu tariki ya 9 Gicurasi

Gicumbi FC vs Bugesera FC (Stade Gicumbi)
Police FC vs Miroplast FC (Kugeza ubu wasubitswe bitewe nuko ikibuga cya Kicukiro kitaraboneka)
Mukura VS vs Rayon Sports FC (Huye Stadium)
Amagaju FC vs Musanze Fc (Nyagisenyi Stadium)

Kuwa Kane tariki ya 10 Gicurasi

Kirehe FC vs APR FC (Kirehe )
Espoir FC vs SC Kiyovu (Rusizi Stadium)
Sunrise FC vsAS Kigali (Nyagatare )

Dukurikire ukanda kuri Like

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka