Bimenyimana Bon Fils Caleb yishimira igitego yari atsinze

Ni umukino watangiye ikipe ya Rayon Sport irusha Sunrise, aho mu minota ya mbere Ismaila Diarra yagerageje amashoti akomeye ariko umunyezamu wa Sunrise amubana ibamba.

Ku munota wa 16 w’igice cya mbere, nyuma y’akazi kari kamaze gukorwa na Christ Mbondi, yaje guhita anaha umupira Bimenyimana Bonfils Caleb, ahita atsindira Rayon Sports igitego cya mbere.

Ku munota wa 41 w’igice cya mbere Rayon Sports yaje gutsinda igitego cya kabiri, kivuye ku mupira wari uhinduwe neza na Ismaila Diarra mu rubuga rw’amahina, maze Caleb yongera gutsindira Rayon Sports igitego cya kabiri, ari nacyo cye cya kane muri Shampiona.

Nyuma y’aho igice cya mbere cyarangiye ari bibiri bya Rayon Sports, ikipe ya Sunrise yagarutse mu gice cya kabiri yahinduye umukino, aho abakinnyi barimo Moussa Sova, Niyibizi Vedaste na Kawunga ndetse na Osee bahererekanyaga imipira neza, baje gufasha Sunrise kuyibonera igitego cya mbere cyatsinzwe na Orotomal Alex ku munota wa 47.

Ku munota wa 50, Sunrise FC yatsinze igitego cya kabiri cyatsinzwe Iyabivuze Osee ku ishoti rikomeye yateye, ni nyuma y’umupira yari ahawe na Serumogo Ally, biba bibaye ibitego 2-2.

Umutoza Ivan Minnaert wabonaga ko hagati ari kurushwa, yaje gukuramo Ismaila Diarra wabanje no kwanga kuvamo, yinjizamo Niyonzima Olivier Sefu, maze Rayon Sports iza gutsinda igitego cya gatatu cya Faustin Usengimana cyari kivuye muri Koruneri.

Usengimana Faustin ubwo yasimbukaga agatsinda igitego cy’intsinzi cya Rayon Sports

Usengimana Faustin yaje kongeramo igitego cya gatatu cya Rayons Sport ku mupira waturutse muri Koruneri, Umukino urangira Rayons Sport itahanye intsinzi y’ibitego 3 kuri 2 bya Sunrise.

Umukino watangiye Rayons Sport iri kurusha Sunrise

Caleb yagoye cyane Ikipe ya Sunrise

Abakinnyi ba Sunrise babanje mu kibuga

Abakinnyi babanjemo muri Rayon Sports

Abakinnyi babanjemo ku mpande zombi:

Sunrise FC: Habarurema Gahungu , Serumogo Ally , Niyonshuti Gad , Mushimiyimana Regis , Niyonshuti Modeste , Uwambazimana Leon , Iyabivuze Osee , Mutabazi Hakim, Orotomal Alex , Ally Moussa Sova na Niyibizi Vedaste .

Rayon Sports: Ndayishimiye Eric ‘Bakame’ , Mutsinzi Ange Jimmy , Usengimana Faustin , Mugabo Gabriel, Nyandwi Saddam , Rutanga Eric , Kwizera Pierrot , Mugisha Francois , Bimenyimana Bonfils Caleb , Mbondi Christ na Ismailla Diarra .

Andi mafoto kuri uyu mukino

Umurongo wari muremure ku bafana amagana binjiraga muri Stade

Hari aho byari bikomeye bisaba ko yiyambaza Nyagasani, byari 2-2

Usengimana Faustin ubwo yasimbukaga agatsinda igitego cy’intsinzi cya Rayon Sports

Serumogo Ally wa Sunrise yari ahanganye na Eric Rutanga

Nova Bayama winjiye mu kibuga asimbuye Caleb, nawe ntiyari aherutse mu kibuga

Nyandwi Saddam nawe yagaruriye icyizere abafana

Abafana ba Rayon Sports bibumbiye muri Gikundiro Forever, bari mu bayobora umurindi w’abafana kuri stade

Usengimana Faustin nyuma yo gutsinda igitego, yibutsaga abantu ko akiri wawundi

Mugisha Gilbert, Muhire Kevin na Niyonzima olivier Sefu bishyushya ngo basimbure, gusa haje kujyamo Sefu gusa

img102618|center>

Bimenyimana Bonfils Caleb yitwaye neza muri uyu mukino, aho yagerageje uburyo bwinshi bwo kubona igitego

Serumogo Ally wa Sunrise yari ahanganye na Eric Rutanga

Ndayishimiye Eric Bakameasimbuka ngo akuremo ishoti rya Leon Uwambajimana uzwi nka Kawunga

Abasifuzi b’umukino mbere y’uko utangira

Bemeye burira ibiti ngo umupira utabacika

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )