Rayon Sports isezereye Wau Salaam nta gitego itsinzwe

Ikipe ya Rayon Sport yongeye gutsinda ikipe ya Wau Salaam yo muri Sudani y’Epfo ibitego 2-0, mu marushanwa y’amakipe yatwaye ibikombe iwayo Caf Confederation Cup.

GIF - 170 kb
Moussa Camara yashakishije igitego ashirwa akibonye

Ni umukino wo kwishyura wabereye kuri stade Amahoro i Remera aho Rayon yatsinze iyi kipe ibitego 2-0, no mu mukino ubanza yari yayinyagiye ibitego 4-0 binayihesha gukomeza mu cyiciro gikurikira.

Igitego cya mbere cyabonetse ku munota wa 27 w’igice cya mbere aho Kwizera pierrot yateye kufura umuzamu wa Wau Salaam ntiyabasha gukuramo umupira igice cya mbere kirangira ari 1-0.

GIF - 206.3 kb
Ababanjemo ba Rayon Sports
GIF - 205 kb
Ababanjemo ba Wau Salaam

Mu gice cya kabiri Rayon Sport yashatse uburyo yatsinda ikindi gitego aho Camara Moussa yakomeje kotsa igitutu ab’inyuma aza kubonera Rayon Sport igitego cya kabiri ku munota wa 81, umukino urangira ari 2-0

Muri uyu mukino umukinnyi w’inyuma wa Rayon Mutsinzi Ange yaje guhabwa ikarita itukura nyuma yo gukorera ikosa umukinnyi wa Wau Salaam.

GIF - 188 kb
Myugariro wa Rayon Mutsinzi Ange yahawe ikarita itukura

Rayons Sport yasezereye Wau Salaam igomba guhura na Les Onze Createurs yo muri Mali mu cyiciro gikurikira.

GIF - 135.7 kb
Abafana bari bake

Abakinnyi ba Rayon Sport babanjemo:

Mu izamu:Ndayishimiye Jean Luc

Ba myugariro:Manzi Thierry,Irambona Eric,Mutsinzi Ange na Mugabo Gabriel

Abo hagati:Kwizera pierrot,Mugheni Fabrice,Manishimwe Djabel na Nsengiyumva Moustapha

Ba Rutahizamu:Nahimana Shassir na Camara Moussa

Abakinnyi babanjemo ba Wau Salaam:

Mu izamu:Simon Farajalla

Ba myugariro:Edwad Julio,Gasper Ayom,Rofino Ambrose na Nnadozie Ahamefule

Abo hagati:Khalid Djuma,Elhadji Atoron,na Rushdi Ekueldito

Ba rutahizamu:Olivier Kangi na Emmanuel Nggeka

GIF - 211.6 kb
Abasifuzi na ba kapiteni b’amakipe yombi

Ibitekerezo   ( 4 )

Ababanjemo Kuruhande Rwa Wau Haraburamo Umwe Ntabwo Wabujuje.

Just yanditse ku itariki ya: 22-02-2017  →  Musubize

Ariko Rayon igerageze kugababanya amafaranga 2000 binjiriza ahasanzwe muri stade kuko bituma abafana baba bakeya Kiri stade

feli yanditse ku itariki ya: 20-02-2017  →  Musubize

Rayon nikipe isobanutse pe

feli yanditse ku itariki ya: 19-02-2017  →  Musubize

Mutubwire uko urugendo rwa Rayon FC rwaba rumeze mugihe yavanamo les Onze createurs.

Diane yanditse ku itariki ya: 19-02-2017  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka