Rayon Sports irerekeza muri Confederation Cup nyuma yo gutsindwa na Mamelodi

Ikipe ya Rayon Sports ntiyabashije kubona itike yo kwerekeza mu matsinda ya CAF Champions League nyuma yo gutsindwa na Mamelodi Sundowns muri Afurika y’Epfo

Mu mukino wo kwishyura wabereye Pretoria muri Afurika y’Epfo, Rayon Sports yahatsindiwe ibitego 2-0 na Mamelodi Sundowns, bituma ihita isezererwa na Mamelodi Sundowns bari banganyije ubusa ku busa mu mukino ubanza wabereye i Kigali.

Ikipe ya Rayon Sports mu minota ya mbere yatangiye isatira ndetse inahusha uburyo bubiri bwashoboraga kuvamo igitego, aho izamu rya Mamelodi ryari ryuzuyemo amazi ryababereye imbogamizi.

JPEG - 142.6 kb
Mamelodi yishimira igitego cyabahaye icyizere cyo gusezerera Rayon Sports

Nyuma yaho, ikipe ya Mamelodi yaje guhuza umukino itangira kurusha ikipe ya Rayon Sports, biza no gutuma ibona igitego ku munota wa 33 w’umukino gitsinzwe na Wayne Arendse, iza gutsinda n’icya kabiri ku munota wa 55 gitsinzwe na Subisiso Vilakazi.

Nyuma yo gusezererwa muri CAF Champions League, igomba guhita yerekeza muri CAF confederation Cup, aho izamenya iyo bizahura muri Tombola iteganyijwe tariki 21 /03/2018.

Abakinnyi babanje mu kibuga

Mamelodi Sundowns: Onyango, Morena, Nacimento, Arendse, Langerman, Mabunda, Kekana, Zwane, Sirino, Vilakazi, Tau.

Rayon Sports: Ndayishimiye Eric Bakame, Rutanga Eric, Manzi Thierry, Mutsinzi Ange, Mukunzi Yannick, Christ Mbondi, Shabban Hussein Tchabalala,Faustin Usengimana, Nyandwi Saddam. Kwizera Pierrot, Mugisha Francois Master.

Amakipe Rayon Sports ishobora kuzatomboramo

CR Belouizdad (Algeria)
USM Alger (Algeria)
CARA Brazzaville (Congo Brazzaville)
CS La Mancha (Congo Brazzaville)
Al-Masry (Egypt)
Deportivo Niefang (Equatorial Guinea )
Welayta Dicha (Ethiopia)
Fosa Juniors (Madagascar)
Djoliba (Mali)
Raja Casablanca (Morocco)
RS Berkane (Morocco)
Costa do Sol (Mozambique)
Akwa United (Nigeria )
Enyimba (Nigeria )
Al-Hilal Al-Ubayyid (Sudan)

Ibitekerezo   ( 1 )

NTAKUNDI ABAHUNGU BACU NIBAZE DUKINE IMIKINO ISIGAYE KANDI AHANDI BAZITWARA NEZA KUKO BIGARAGARAKO IKIBUGA KITABABANIYE

musabirema cyprien nyamagabe yanditse ku itariki ya: 19-03-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka